Ўзбекистон республикаси давлат божхона қЎмитаси

соатдан кечиктирилмай сўроқ қилиниши лозим. 
Ушлаб турилган шахс бошқа давлат фуқароси бўлса йигирма тўрт 
сосат муддат ичида Ўз.Р. Ташқи ишлар вазирлигига хабар берилиши шарт. 
Хабарноманинг нусхаси иш ҳужжатларига қўшиб қўйилади (ЖПК 217-м).
Ушлаб туриш муддати ЖПКнинг 226-моддасига асосан, ушлаб туриш 
ушланганни милицияга ѐки ҳуқуқни муҳофаза қилувчи бошқа органга 
келтирилган вақтдан бошлаб етмиш икки соатдан ортиқ давом этиши 
мумкин эмас. Божхона органининг ваколатли мансабдор шахси ушбу 
муддат ичида тегишли далилларни йиғиб, жиноят ишини дарҳол терговга 
тегишлилиги бўйича юбориши шарт. 
Ушлаб туриш муддати тугагунга қадар ва асослар мавжуд бўлганда 
шахс айбланувчи тариқасида ишда иштирок этишга жалб қилиниши, унга 
айб эълон қилиниши, ушбу Кодекснинг 109-112-моддаларида қоидалар 
бўйича сўроқ қилиниши ва ушбу Кодекснинг 236-240-моддалари 
қоидаларига амал қилган ҳолда эҳтиѐт чорасини танлаш ҳақидаги масала 
ҳал қилиниши зарур. 
Алоҳида ҳолларда гумон қилинувчига нисбатан қамоқда сақлаш 
тарзидаги эҳтиѐт чораси қўлланилиши мумкин. Бу ҳолда гумон қилинувчига 
у ушланган кундан бошлаб ўн кун ичида айб эълон қилиниши лозим. Акс 
ҳолда эҳтиѐт чораси бекор қилиниб, шахс қамоқдан озод қилинади. Жиноят 
иши қўзғатилганидан кейин ва ушлаб туришнинг бутун муддати мобайнида 
ишни юритиш тааллуқли бўлган суриштирувчи ва терговчи жиноятни содир 
этиш ҳолатларини аниқлаш, ушлаб туришнинг асосли эканини текшириш 
учун ўз ваколатлари доирасида тергов ҳаракатлари ўтказишлари мумкин. 
Ушлаб туришни амалга ошириш жараѐнида божхона органлари 
ходимлари содир этган хатти-ҳаракатлар устидан қонун ҳужжатларида 
белгиланган тартибда шикоят қилиниши мумкин. 

---

2. Тинтув тушунчаси ва унинг турлари