Ўзбекистон Республикаси Банк-молия академияси

икки юз баробари
миқдорига тенг бўлиши керак. 
Ёпиқ турдаги акциядорлик жамияти
–бу акциялари номланган (эгаси 
ёзилган) ва улар фақат АЖ таъсисчилари ўртасида тақсимланган 
жамиятдир. 
Унинг акциялари қимматли қоғозлар бозорида муомалада 
бўлиши жамият Низомига биноан ман этилган ёки чекланган бўлади.
Ёпиқ турдаги АЖ учун устав фондининг энг кам миқдори–АЖ рўйхатдан 
ўтказилган санада қонун ҳужжатларида белгиланган энг кам иш ҳақи 
суммасининг камида 
юз баробари
миқдорига тенг бўлиши керак. 
 
4.3.Мулкчилик муносабатларининг моҳияти ва иқтисодий мазмуни. 
Мулкчилик шакллари. 
Мулкчилик муносабатлари
ҳар қандай жамият иқтисодий тизимининг асосий 
муносабатларидан бирини ташкил қилиб, инсоният тараққиётининг маҳсули 
ҳисобланади. Мулкчилик муносабатлари моддий ва маънавий неъматларни ишлаб 
чиқариш ҳамда жамият бойликларини ўзлаштириш жараёнларида вужудга келади. 
Шундай экан, мулкчилик муносабатлари- бу 
мулкка
э
галик қилиш, фойдаланиш, 
тасарруф этиш ва ўзлаштириш
жараёнларида вужудга келадиган 
иқтисодий 
муносабатлардир. 
Мулкчилик муносабатлари унинг обьектлари ва субьектлари бўлишини 
шарт қилиб қўяди
. 
Мулкка айланган барча бойлик турлари мулкчилик обьектларидир. 
Мулк обьекти бўлиб
, 
инсон яратган моддий ва маънавий бойликлар, табиий 
бойликлар, ақлий меҳнат маҳсули, инсоннинг меҳнат қилиш қобилияти-ишчи кучи ва 
бошқалар ҳисобланади. Мулк обьектида асосий бўғин-бу ишлаб чиқариш 
воситаларига эгалик қилиш ҳисобланади. Ишлаб чиқариш воситалари кимники бўлса, 
ишлаб чиқарилган маҳсулот ҳам унга тегишли бўлади. Реал ҳаётда ишлаб чиқариш 
воситаларининг умумлашиш даражаси турли хил, яъни ишлаб чиқарувчиларнинг 
ишлаб чиқариш воситалари билан қўшилиши турли даражада ва турли шаклларда 
амалга оширилади.
Шунга мос равишда мулк субеьктлари вужудга келади. Мулк субьекти жамиятда 
маълум ижтимоий-иқтисодий мавқеьга эга бўлган, мулк обьектини ўзлаштиришда 
қатнашувчилар, мулкий муносабатлар иштирокчилари бўлиб, улар жамоа, синф, 
табақа ёки бошқа ижтимоий гуруҳларга бирлашган бўлади. Айрим кишилар, оилалар 
ва давлат ҳам мулкчилик субьекти сифатида майдонга чиқиши мумкин. Мулк 
обьектлари ва субьектлари ёрдамида мулкчилик муносабатлари ва ҳуқуқларини 
янада яққолроқ тушуниш мумкин.