Ўзбекистон республикаси бандлик ва меҳнат муносабатлари вазирлиги ҳузуридаги ташқи меҳнат миграцияси агентлиги

VII. Шартноманинг амал қилиш муддатлари

7.1. Мазкур Шартнома Томонлар имзолаган кундан эътиборан кучга киради. Меҳнат фаолиятини амалга ошириш муддати фуқаро Россия Федерацияси иш беувчиси билан расмий шартнома тузган кундан бошлаб ҳисобланади.

7.2. Ушбу Шартномага мувофиқ фуқаро Россия Федерациясидаги иш берувчи билан алоҳида меҳнат шартномаси тузади. Меҳнат шартномаси муддати тугагач, фуқаро иш берувчи билан ўзаро келишган ҳолда, меҳнат шартномасини узайтириши мумкин.
7.3. Фуқаро иш берувчи билан тузилган меҳнат шартномаси нусхасини шартномани имзолаган кундан бошлаб 10 кун ичида Агентликка электрон шаклда тақдим этиши лозим. Иш берувчи билан шартнома муддати узайтирилган ҳолатда мазкур шартнома муддати иш берувчи билан узайтирилган муддатга узайтирилади.
7.4. Мазкур шартномани амал қилиш муддати, томонлар учун шартнома бандларида белгиланган мажбуриятлар бажарилган тақдирда тугатиланган ҳисобланади.


VIII. Тарафларнинг жавобгарлиги

8.1. Фуқаро ушбу Шартноманинг 4.2.6-кичик бандида кўрсатилган мажбуриятларни бажармаганлиги ёки лозим даражада бажармаганлиги учун Россия Федерацияси миграция хизмати томонидан Ўзбекистон Республикасига (депортация) қайтариб юборилади ва уни қайтариш билан боғлиқ харажатларни қоплаш фуқаро ёки унинг кафили зиммасига юкланади.

8.2. Фуқаро ушбу Шартноманинг 4.2.7 ва 4.2.8 кичик бандларида кўрсатилган мажбуриятларни бажармаганлиги ёки лозим даражада бажармаганлиги учун Россия Федерацияси миграция хизмати томонидан Ўзбекистон Республикасига (депортация) қайтариб юборилади ва уни қайтариш билан боғлиқ харажатларни қоплаш фуқаро ёки унинг кафили зиммасига юкланади.
8.3. Мазкур шартноманинг 4.2.11.-банди шартлари фуқаро томонидан бажарилмаган ёки лозим даражада бажарилмаган тақдирда шартнома шартлари бажарилмаган ёки лозим даражада бажарилмаган ҳар бир кун учун Агентлик томонидан фуқародан шартнома шартлари бажарилмаган ёки лозим даражада бажарилмаганлиги маълум бўлган кундаги Россия Федерациясида белгиланган энг кам иш хақининг 10 % (ўн фоизи) миқдорида пеня қўлланилади.
8.4. Шартнома муддати тугаган тақдирда ёки бирон бир сабабларга кўра ватанига қайтган фуқаро календар бўйича 30 (ўттиз) кун ичида “Меҳнат фаолиятини амалга оширишдан сўнг келган шахс” сифатида Агентликка унинг вилоятлардаги филиалларига ташриф буюриши, ёки тасдиқловчи хужжатларни тақдим қилган ҳолда “labor-migration” дастурий мажмуасидан рўйхатдан ўтиши шарт. Фуқаро рўйхатдан ўтмаган тақдирда унга Ўзбекистон Республикасида белгиланган базавий ҳисоблаш миқдорининг 1 (бир) баробари миқдорида жарима қўлланилади.
8.5. Ушбу Шартномада белгиланган жарима миқдорини фуқаро ихтиёрий тўламаган тақдирда, ёки фуқародан бу жаримани ундириш имконияти бўлмаса, яъни фуқаро ноқонуний мақомда Россия Федерациясида бўлган тақдирда, мазкур жарималарни тўлаш ҳамда Агентликнинг фуқарони Ўзбекистонга қайтариш билан боғлиқ бўлган харажатларини қоплаш мажбурияти унинг кафили зиммасига юкланади. Жарима суммасини тўлаш ҳамда Агентлик харажатларини қоплаб бериш хақида кафилга талабнома орқали хабар берилади. Кафил жарима (неустойка) суммасини тўлашдан бош тортган тақдирда, жарима қонун билан белгиланган тартибда суд орқали ундирилади.

7.