Ўзбекистон республикаси ахборот технологиялари ва коммуникацияларни ривожлантириш вазирлиги муҳаммад ал-хоразмий номидаги

Ишнинг мақсади ва вазифалари.Ишнинг мақсади:

• 
  ­мазкур ишда бугунги кунда хусусий кино ижодкорлар орасида профессионаллик тушунчасини шакллантириш;
  
• 
  кинода операторлик санъатиниг ўрни ва асл моҳиятини очиб бериш;
  
• 
  бугунги кундаги кино санъатимизда бадиий савия масалалари, тасвирий воситалар орқали томошабинларнинг маънавий дунёсини кенгайтириш ва бойитишга аҳамият қаратиш;
  
• 
  Ёш профессионал кинооператорлар ижодини ўрганиш ва таҳлил қилиш.
  

Тадқиқот вазифалари. Ўзбекистонда хусусий киностудияларининг профессионал кинооператорлари фаолиятини ёритишга бағишланган битирув малакавий ишида қуйидаги вазифаларни ҳал қилиш кўзда тутилган:

• 
  кинооператорлик санъати ва уни ОАВда кўпроқ ёритиш ҳамда шу соҳага муносиб аҳамият қаратиш;
  
• 
  кўп ўрганилмаган мазкур соҳадаги илмий бўшлиқни тўлдириш;
  
• 
  хусусий кино студияларимизни, етакчи давлатлар кино студияси даражасига кўтариш, ҳамда хусусий фильмларимиз сифатини ўз миллий услубида бутун дунёга танитиш;
  
• 
  кадрлар тайёрлаш жараёнида йўл қўйилаётган камчиликларни бартараф этиш ва малакали мутахассислар тайёрлашга эришиш;
  
• 
  мамлакатимизда изланиш олиб бораётган кинооператорлар ижодига эътибор бериш.
  

Ишнинг тадқиқот объекти. Ўрганилаётган мазкур битирув малакавий ишида юқорида номлари қайд этилган тадқиқот ишларининг ўзига хос вазифаларини инкор этмаган ҳолда, бугунги кун кинооператорлик санъати, унда вужудга келган профессионализм муаммолари, уларни ҳал қилиш йўллари ва экрандаги тасвирий ечим масалалари асосий тадқиқот объектига айланади.
Ишда, бундан ташқари, истеьдодли, тажрибали ижодкорларнинг маҳорати, фильмни суратга олишдаги ўзига хос услуб ва йўналишлари тавсифлаб берилади. Малакали мутахассислар қўлида таҳсил олган ёш малакали операторлар ижоди ва улар қўлга киритган ютуқлар ҳам эътибордан четда қолмайди.
Ишнинг тадқиқот предмети. Юқорида келтирилган тадқиқот объектидан келиб чиққан ҳолда тадқиқот предмети сифатида, ўзбек хусусий тижорий фильмлари тасвирий жиҳати, ҳамда ёш ижодкорларнинг фильмларини таҳлил этиш орқали ишнинг моҳияти очиб берилади.