Рақс бадиий жамоаси билан ишлашда ўргатиш услубининг умумий масалалари

Рақс бадиий жамоаси билан ишлаш услублари

Режа:

1. 
   Рақс бадиий жамоаси билан ишлашда ўргатиш услубининг умумий масалалари ва вазифалари
   
2. 
   Рақс бадиий жамоаси билан ишлашда ижро этишнинг тарбиявий ва профессионал вазифалари
   
3. 
   Ижро этиш таълимида билим ва кўникмаларни ўзлаштириш
   
4. 
   Дарснинг тузилиши. билимни текшириш ва баҳолаш
   
5. 
   Ойлик ва йиллик иш режасини тузиш иш ҳисоботини ёзиш қоидалари
   
6. 
   Рақс санъати ҳақида.
   
7. 
   Ҳаваскорларнинг ижро этиш пайтидаги ҳолати мусиқа ритми. Эслаб қолиш ва эшитиш қобилияти
   
8. 
   Рақсларга либос танлаш
   
9. 
   Саҳна маданияти
   

РАҚС БАДИИЙ ЖАМОАСИ БИЛАН ИШЛАШДА ЎРГАТИШ УСЛУБИНИНГ УМУМИЙ МАСАЛАЛАРИ ВА ВАЗИФАЛАРИ


Мамлакатимизда маънавий баркамол инсонни тарбиялаш умумдавлат иши даражасига кўтарилган. Бу борада давлат дастурлари асосида кенг кўламда ишлар қилинмоқда.
Мустақил давлатимизнинг маънавий-маърифий ислоҳотларида санъат аҳлининг фаол иштироки ва ёшларни юртга содиқ, баркамол авлод қилиб тарбиялаш муҳим аҳамият касб этади. Ана шундай маънавий етук кишиларни тарбиялашда рақс санъатининг роли беқиёсдир.
Республикамизда рақс ижрочилигини янада юқори поғоналарга кўтаришда ўргатиш услубининг сифатли даражада бўлиши муҳим аҳамият касб этади.
Давлатимизнинг ўқув муассасалари олдига қўйилган вазифаларидан келиб чиқиб, рақс ижро этишни ўргатиш ишини 3 га бўлиш мумкин;
Таълим бериш;
Тарбиялаш;
Ривожлантириш;
Таълим бериш вазифаси асосий ва ҳал қилувчи масалалардан бири бўлиб, ҳаваскорлар рақс ижро этиш учун зарур бўлган барча билимларни эгаллайдилар ва шу билимларни амалда қўллаш кўникмаларини ҳосил қил ад ил ар.
Тарбиялаш вазифаси таълим бериш, ривожлантириш вазифалари билан ўргатиш услубининг умумий жараёнига ҳар томонлама ёндашишнинг ажралмас қисмидир.
Тарбиялашнинг асосий мақсади дарс мазмунини ва ҳар хил услублари орқали ёш авлодни ўз жамиятини тўғри идрок этишни таъминлашдир.
Ривожлантиришнинг асосий мақсади шундан иборатки, ҳаваскорларнинг билимини англаб етиш имкониятларини ривожлантириб, турли илмий ахборотлардан тўғри хулоса чиқариб олишга ўргатишдир. Бу жараёнда ҳаваскорларни аста— секин ижодий фикрлашга ўргатиш иши ҳам амалга ошириб борилади.
Ўргатиш услубидаги бу учала вазифанинг асосий мақсади - ҳаваскор рақсосаларнинг илмий дунёқарашини, сиёсий ва маданий онгини шакллантириш учун хизмат қилади.
Бу услуб рақсни пухта эгаллаб, ижро этиш учун кўникмалар ҳосил к.илиш, уларни амалда қўллай олиш, эстетик дидини оширишга қаратилган.
Ижро этишни ўргатишнинг вазифаларини қискача шундай тушунтириш мумкин.
"Рақсни нима учун ва уни қандай ўргатиш керак?"
Рак.с ўргатишнинг асосий вазифаси — раққосалик тажрибаларига таянган ҳолда амалга оширишдир. Рақс ўргатишнинг керакли услубларини қўллаш орқалигина ўз олдига қўйган вазифани ижобий ҳал этиш мумкин.
Ижрони ўргатиш жараёнида ҳаваскорларнинг ақлий ва ижодий қобилияти, унинг иродаси ҳамда камолоти учун зарур бўлган сифатлар ҳам ривожланиб боради.
Бу вазифаларни алоҳида, бир-биридан ажратилган ҳолда ҳал этиб бўлмайди. Уларнинг барчаси ўргатиш жараёнида бир-бирига боғлиқ ҳолда, комплекс тарзда амалга оширилади. Ижро этиш билимлари ва кўникмаларига асосланган ҳолда ҳаваскор раққосаларнинг дунёқараши шаклланади, мусиқавий тарбия вазифалари ҳал этилади.