Ўзбекистон Республикаси Адлия вазирлигида 2004 йил 29 августда 1401-сон

5-§. БЕПУЛ (ТЕКИНГА) БЕРИЛИШИ МУНОСАБАТИ
БИЛАН АСОСИЙ ВОСИТАЛАРНИ БАЛАНСДАН
ҲИСОБДАН ЧИҚАРИШ ТАРТИБИ

32. Асосий воситалар:

а) бюджет ташкилотлари томонидан - юқори ташкилот билан келишган ҳолда, юқори ташкилот мавжуд бўлмаганда - қонун ҳужжатларига мувофиқ мустақил равишда; (АВ 12.05.2010 й. 1401-1-сон билан рўйхатга олинган МВ Буйруғи таҳриридаги кичик банд) (Олдинги таҳририга қаранг)
б) унитар корхоналар томонидан - уларга хўжалик юритиш ҳуқуқи билан тегишли бўлган кўчмас асосий воситалар - корхона мол-мулки мулкдорининг буйруғи, фармойиши ёки бошқа қарорига мувофиқ, қолган асосий воситалар эса - қонун ҳужжатларига мувофиқ мустақил равишда;
в) давлат корхоналари томонидан - корхона муассисининг розилиги билан; (АВ 12.05.2010 й. 1401-1-сон билан рўйхатга олинган МВ Буйруғи таҳриридаги кичик банд)
г) бошқа корхона ва ташкилотлар томонидан - қонун ҳужжатларига мувофиқ мустақил равишда бепул (текинга) берилади.

33. Асосий воситаларни бепул (текинга) беришдан кўрилган молиявий натижа (фойда ёки зарар), қўшилган қиймат солиғи ҳисобланган ҳолда, берилаётган асосий воситаларнинг бирламчи (тикланиш) қиймати билан жамланган эскириш ўртасидаги резерв капитални ҳисобга олиш ҳисобварақларида ҳисобга олинадиган асосий воситаларни қайта баҳолаш натижаларига (сальдога), яъни аввалги қўшимча баҳолашлар суммасининг асосий воситалар мазкур объектининг аввалги арзонлаштириш суммасидан ошиб кетишига тузатилган фарқ сифатида белгиланади.

34. Бюджет ташкилотларида бепул берилиши муносабати билан асосий воситаларни балансдан ҳисобдан чиқариш бухгалтерия ҳисобида қуйидагича акс эттирилади:

а) агар эскириш ҳисоблаб ёзилмаган бўлса:
250-"Асосий воситалар фонди" ёрдамчи ҳисобварағи дебети;
"Асосий воситалар" ҳисобварағининг тегишли ёрдамчи ҳисобварағи кредити;
б) эскириш тўлиқ ҳисоблаб ёзилмаганда:
250-"Асосий воситалар фонди" ёрдамчи ҳисобварағи дебети;
020-"Асосий воситаларнинг эскириши" ёрдамчи ҳисобварағи дебети;
"Асосий воситалар" ҳисобварағининг тегишли ёрдамчи ҳисобварағи кредити;
в) эскириш тўлиқ ҳисоблаб ёзилганда:
020-"Асосий воситаларнинг эскириши" ёрдамчи ҳисобварағи дебети;
"Асосий воситалар" ҳисобварағининг тегишли ёрдамчи ҳисобварағи кредити.
(АВ 12.05.2010 й. 1401-1-сон билан рўйхатга олинган МВ Буйруғи таҳриридаги банд) (Олдинги таҳририга қаранг)

35. Унитар, давлат ва бошқа корхона ҳамда ташкилотларда бепул (текинга) бериш муносабати билан асосий воситаларни балансдан ҳисобдан чиқариш бухгалтерия ҳисобида қуйидагича акс эттирилади:

а) асосий воситаларнинг дастлабки қийматини ҳисобдан чиқарганда:
"Асосий воситаларнинг чиқиб кетиши" 9210-ҳисобварағи дебети;
асосий воситаларни ҳисобга олиш ҳисобварағи (0100) кредити;
б) асосий воситаларнинг жамланган эскиришини ҳисобдан чиқаришда:
асосий воситаларнинг эскиришини ҳисобга олувчи ҳисобварақ (0200) дебети;
"Асосий воситаларнинг чиқиб кетиши" 9210-ҳисобварағи кредити;
в) қўшилган қиймат солиғини ҳисоблаб ёзганда:
"Асосий воситаларнинг чиқиб кетиши" 9210-ҳисобварағи дебети;
"Бюджетга тўловлар бўйича қарзлар (турлари бўйича)" 6410-ҳисобварағи кредити;
г) резерв капитални ҳисобга олиш ҳисобварақларида ҳисобга олинадиган асосий воситаларнинг ушбу объектини қайта баҳолаш натижалари суммасига (сальдога):
"Узоқ муддатли активларни қайта баҳолаш бўйича тузатишлар" 8510-ҳисобварағи дебети; (АВ 12.05.2010 й. 1401-1-сон билан рўйхатга олинган МВ Буйруғи таҳриридаги хатбоши)
"Асосий воситаларнинг чиқиб кетиши" 9210-ҳисобварағи кредити;
д) асосий воситаларни бепул (текинга) беришдан олинган фойда суммасига:
"Асосий воситаларнинг чиқиб кетиши" 9210-ҳисобварағи дебети;
"Асосий воситаларнинг чиқиб кетишидан олинган фойда" 9310-ҳисобварағи кредити;
е) асосий воситаларни бепул (текинга) беришдан кўрилган зарар суммасига:
"Бошқа операцион харажатлар" 9430-ҳисобварағи дебети;
"Асосий воситаларнинг чиқиб кетиши" 9210-ҳисобварағи кредити.