Ўзбекистон Республикаси Адлия вазирлиги Япония Халқаро Ҳамкорлик Агентлиги

Рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарорни тадбиркорлик субъектига етказиш муддати

Рухсат этиш хусусиятига эга ҳужжатнинг амал қилишини тўхтатиб туриш тўғрисидаги ваколатли органнинг қарорини тадбиркорлик субъектига етказиш муддатини аниқлаштириб, Қонуннинг 22-моддаси ушбу қарор тадбиркорлик субъектига қарор қабул қилинган кундан эътиборан уч иш кунидан кечиктир- май, етказилишини белгилайди.

Қонуннинг 22-моддасига мувофиқ суднинг рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарори тадбиркорлик субъектига қонун ҳужжатларида белгиланган муддатларда етказилади.
Ўзбекистон Республикаси Хўжалик процессуал кодексининг 155¹³-мод- дасига асосан фаолиятни чеклаш, тўхтатиб туриш ва тақиқлаш ҳуқуқий таъсир чоралари ҳисобланади, бундан фавқулодда вазиятлар, эпидемиялар ҳамда аҳолининг ҳаёти ва саломатлиги учун бошқа реал хавф юзага келишининг олдини олиш билан боғлиқ ҳолда фаолиятни ўн иш кунидан кўп бўлмаган муддатга чеклаш, тўхтатиб туриш ҳоллари мустасно. Бунда Хўжалик процессуал кодексининг 155¹⁸-моддасига мувофиқ ҳуқуқий таъсир чорасини қўллаш тўғрисидаги иш бўйича ҳал қилув қарорининг кўчирма нусхаси ҳал қилув қарори қабул қилинганидан кейин уч иш куни ичида хўжалик суди томонидан ишда иштирок этувчи шахсларга юборилади.

5. Рухсат этиш хусусиятига эга ҳужжатнинг амал қилишини тўхтатиб туриш оқибатлари

Рухсат этиш хусусиятига эга ҳужжатнинг амал қилиши тўхтатиб туриш юридик шахс ёки якка тартибдаги тадбиркор фаолиятини тугатишга олиб келмайди, агарда тегишли ҳаракатни бажариш ва(ёки) муайян фаоли- ятни амалга ошириш тадбиркорлик субъекти учун ягона фаолият тури ҳисобланмаса. Рухсат этиш хусусиятига эга ҳужжатнинг амал қилиши тўхтатиб туриш тегишли ҳаракатни бажариш ва (ёки) муайян фаолиятни амалга оширишни муайян муддат давомида фақат тақиқлашни билдиради. Шундай қилиб, тадбиркорлик субъекти томонидан ваколатли орган ёки суднинг рухсат этиш хусусиятига эга ҳужжатнинг амал қилишини тўхтатиб туриш тўғрисидаги қарорини қабул қилиб олгандан кейин тадбиркорлик субъекти рухсат этиш хусусиятига эга ҳужжат берилган фаолият ва(ёки) ҳаракати билан боғлиқ бўлмаган фаолиятини амалга оширишни давом қилдириши мумкин.

6.