Ўзбекистон Республикаси Адлия вазирлиги Япония Халқаро Ҳамкорлик Агентлиги

БОБ. РУХСАТ ЭТИШ ХУСУСИЯТИГА ЭГА ҲУЖЖАТНИНГ АМАЛ ҚИЛИШИНИ ТЎХТАТИБ ТУРИШ, ТУГАТИШ ВА УНИ БЕКОР ҚИЛИШ

1. 
   Рухсат этиш хусусиятига эга ҳужжатнинг амал қилишини тўхтатиб туриш асослари
   

Қонуннинг 22-моддаси рухсат этиш хусусиятига эга ҳужжатнинг амал қили- шини тўхтатиб туриш тартиби ва асосларини белгилайди. Ушбу моддага мувофиқ рухсат этиш хусусиятига эга ҳужжатнинг амал қилишини тўхтатиб туриш асослари қуйидагилар саналади: 1) рухсат беришга доир талаблар ва шартлар тадбиркорлик субъекти томонидан бузилганлиги аниқланиши; 2) тадбиркорлик субъекти томонидан ваколатли органнинг тадбиркорлик субъекти зиммасига аниқланган қоидабузарликларни бартараф этиш мажбуриятини юкловчи қарори бажарилмаганлиги.

Юқоридаги рухсат этиш хусусиятига эга ҳужжатнинг амал қилишини тўхта- тиб туриш асослари рўйхати тугал саналади, шунга кўра муайян рухсат бериш тартиб-таомилларидан ўтиш тартиби тўғрисидаги низомларда рухсат этиш хусусиятига эга ҳужжатнинг амал қилишини тўхтатиб туришнинг қўшимча асослари белгиланиши мумкин эмас.

1. 
   Тадбиркорлик субъектлари томониндан рухсат беришга доир шартлар ва талабларни бузиш ҳолатларини аниқлаш
   

Рухсат этиш хусусиятига эга ҳужжатнинг амал қилиши тўхтатиб туришнинг биринчи асоси сифатида рухсат беришга доир талаблар ва шартлар тадбир- корлик субъекти томонидан бузилганлигининг аниқланиши кўрсатилади. Қонуннинг 3-моддасига мувофиқ рухсат беришга доир талаблар ва шарт- лар — рухсат этиш хусусиятига эга ҳужжат асосида ҳаракатни бажариш ва (ёки) муайян фаолиятни амалга оширишда тадбиркорлик субъекти томонидан бажарилиши шарт бўлган, қонун ҳужжатларида белгиланган талаблар ва шартлар йиғиндисини билдиради. Қонуннинг 16-моддасига мувофиқ Рухсат бериш тартиб-таомилларидан ўтиш тартиби тўғрисидаги низомларда рухсат беришга доир талаблар ва шартлар бўлиши лозим.
Мазкур қўлланманинг 7-бобида таъкидланганидек рухсат этиш хусусиятига эга ҳужжат асосида ҳаракатни бажариш ва (ёки) муайян фаолиятни амалга оширишда рухсат беришга доир талаблар ва шартларга қуйидагиларни келтириш мумкин:

1. 
   тадбиркорлик субъектлари томонидан ҳаракатни бажариш ва (ёки) муайян фаолиятни амалга оширишда қонун ҳужжатларига мажбурий тартибда риоя қилиш;
   
2. 
   жисмоний шахс бўлган тадбиркорлик субъектининг унга давлат рўйха- тидан ўтказилганлиги ҳақида берилган гувоҳномада кўрсатилган фамилияси, исми, отасининг исми ёки фаолият кўрсатадиган жойи ўзгарган тақдирда ёки
   

юридик шахс бўлган тадбиркорлик субъекти унинг номи ёки жойлашган ери (почта манзили) ўзгарган тақдирда қайта рўйхатдан ўтгандан кейин етти иш куни ичида ваколатли органга хабор қилиш;

3. 
   тегишли ваколатли органлар томонидан тасдиқланган норматив ҳужжат- ларига, шунингдек экологик, санитар-гигиеник ва бошқа норма ва қоидаларига мажбурий тартибда риоя қилиш;
   
4. 
   рухсат этиш хусусиятига эга ҳужжатларда кўрсатилган доирада ҳаракатни бажариш ва (ёки) муайян фаолиятни амалга ошириш;
   

Ваколатли органлар тадбиркорлик субъектлари томонидан рухсат беришга доир шартлар ва талабларга риоя қилишини текшириш давомида тадбиркорлик субъектлари томониндан рухсат беришга доир шартлар ва талабларини турли хил бузиш ҳолатларини аниқлашади. Юқорида санаб ўтилган рухсат беришга доир шартлар ва талабларини бузиш Қонуннинг 22-моддасига мувофиқ рухсат этиш хусусиятига эга ҳужжатнинг амал қилишини тўхтатиб туришга асос бўлиб ҳизмат қилади.

2. 
   Тадбиркорлик субъекти томонидан ваколатли органнинг тадбиркор- лик субъекти зиммасига аниқланган қоидабузарликларни бартараф этиш мажбуриятини юкловчи қарорини бажармаслик
   

Тадбиркорлик субъекти томонидан ваколатли органнинг тадбиркорлик субъекти зиммасига аниқланган қоидабузарликларни бартараф этиш мажбуриятини юкловчи қарорини бажармаслига рухсат этиш хусусиятига эга ҳужжатнинг амал қилишини тўхтатиб туришга иккинчи асос бўлади.
Рухсат этиш хусусиятига эга ҳужжатни амал қилишини тўхтатиб туришнинг ушбу асосини муҳокама қилишда бир қанча саволлар юзага келиши мумкин. Қонуннинг 22-моддасига мувофиқ агарда рухсат беришга доир талаблар ва шартлар тадбиркорлик субъекти томонидан бузилганлиги аниқланганда ваколатли орган ёки суд рухсат этиш хусусиятига эга ҳужжатни тўхтатиб туриш ваколатига эга, агарда тадбиркорлик субъекти ваколатли орган томонидан белгиланган муддатда тегишли рухсат беришга доир шартлар ва талабларни бузилиш ҳолатларини бартараф этмаган тақдирда. Мазкур тўхтатиб туришга асос мантиқан тадбиркорлик субъектлари бажариш ва(ёки) амалга ошириш учун рухсат этиш хусусиятига эга ҳужжат берилган ҳаракатни бажариш ва (ёки) муайян фаолиятни амалга оширишда рухсат беришга доир талаб ва шартлар бузганлигидадир. Ваколатли орган мустақил равишда тадбиркорлик субъектига берилган рухсат этиш хусусиятига эга ҳужжатни амал қилишини тўхтатмасдан ёки судга ушбу ҳужжатнинг амал қилишини тўхтатиб туриш тўғрисида ариза билан мурожаат қилмасдан, тадбиркорлик субъектига йўл қўйилган камчиликларни тузатиш имкониятни беради.
Фақат агарда тадбиркорлик субъекти рухсат беришга доир талаблар ва шартларини бузишга йўл қўйган тадбиркорлик субъекти, шу билан бирга яна
ваколатли органнинг тадбиркорлик субъекти зиммасига аниқланган қоида- бузарликларни бартараф этиш мажбуриятини юкловчи қарори бажармаганда, бу бундай кейин тадбиркорлик субъекти томонидан ҳаракатни бажариш ва муайян фаолиятни амалга ошириш жисмоний ва юридик шахсларнинг ҳуқуқла- рига ва қонуний манфаатларига, фуқароларнинг ҳаёти ва соғлиғига, жамоат хавфсизлигига зиён ҳамда атроф-муҳитга зарар етказилишига сабаб бўлиши мумкин. Қонуннинг 4-моддаси мазмунидан келиб чиқиб, ушбу салбий хавф тадбиркорлик субъектлари ҳаракатларни бажариш ва (ёки) муайян фаолиятни амалга оширишда рухсат тартиб-таомилини жорий қилишга сабаб саналади.

2. Рухсат этиш хусусиятига эга ҳужжатнинг амал қилишини тўхтатиб туриш суд тартибида амалга оширилиши, бундан фавқулодда вазиятлар, эпидемиялар ҳамда аҳолининг ҳаёти ва соғлиғи учун бошқа ҳақиқий хавф юзага келишининг олдини олиш билан боғлиқ ҳолда фаолиятни ўн иш кунидан кўп бўлмаган муддатга тўхтатиб туриш ҳоллари мустасно

“Тадбиркорлик фаолияти эркинлигининг кафолатлари тўғрисида”ги Қонуннинг 42-моддасига мувофиқ тадбиркорлик субъектларига нисбатан фаолиятни чеклаш, тўхтатиб туриш ва тақиқлаш фақат суд тартибида қўлланилади, бундан фавқу- лодда вазиятлар, эпидемиялар ҳамда аҳолининг ҳаёти ва соғлиғи учун бошқа ҳақиқий хавф юзага келишининг олдини олиш билан боғлиқ ҳолда фаолиятни ўн иш кунидан кўп бўлмаган муддатга чеклаш, тўхтатиб туриш ҳоллари мустасно.
Қонуннинг 22-моддасига кўра рухсат этиш хусусиятига эга ҳужжатнинг амал қилишини тўхтатиб туриш суд тартибида амалга оширилади, бундан фавқулодда вазиятлар, эпидемиялар ҳамда аҳолининг ҳаёти ва соғлиғи учун бошқа ҳақиқий хавф юзага келишининг олдини олиш билан боғлиқ ҳолда фаолиятни ўн иш кунидан кўп бўлмаган муддатга тўхтатиб туриш ҳоллари мустасно.