Ўзбекистон республикаси адлия вазирлиги

Protsessual muddatni hisoblash

Muddati belgilangan protsessual harakat muddatning
oxirgi kuni soat 24 gacha bajarilishi mumkin.

Bu muddatning oxirgi kuni ish kuni bo‘lmagan kunga to‘g‘ri kelgan taqdirda undan keyingi birinchi ish kuni muddatning tamom bo‘lish kuni hisoblanadi.


Qonun bilan belgilangan protsessual muddatlar faqat tiklanishi,
Sud tomonidan tayinlangan muddatlar esa faqat uzaytirilishi mumkin. Protsessual muddatlarni uzaytirish yoki tiklash, bu muddatlarni o‘tkazib yuborganlikning sababiga bog‘liq bo‘ladi. Agar uning sabablari uzrli bo‘lsa (kasal bo‘lib qolish, uzoq muddatga xizmat safariga ketib qolish va shunga o‘xshash boshqa holatlar) qonun bilan belgilangan muddat tiklanishi, sud tomonidan tayinlangan muddat esa uzaytirilishi lozim.
Sud tomonidan tayinlangan muddatlar taraflarning va ishda ishtirok etuvchi boshqa shaxslarning iltimosi bo‘yicha, prokurorning arizasi bo‘yicha va sudning o‘z tashabusi bilan ham uzaytirilishi mumkin. Protsessual muddatning uzaytirilishi muayyan protsessual harakatlar qilish uchun yangi muddatning tayinlanishidir, sud tomonidan tayinlangan muddatlar ham uzaytirilishi mumkin. Sud tomonidan muddatning uzaytirilishi (kechiktirilishi), masalan, FPKning 165-moddasida ko‘rsatilganidek, javobgarni qidirish nazarda tutilgan hollarda, hal qiluv qarorining ijrosini kechiktirish sud majlisida taraflarning ishtirokida hal qilinadi.
Da’vo muddati o‘tib ketganligini asos qilib, da’vo arizasini qabul qilib olishni rad etish qonunga xilofdir. Da’vo muddatining o‘tib ketishi da’vo arizasini qabul qilib olishni rad etish uchun asos bo‘lmaydi. Bunday holda sud da’vo arizasini qabul qilib olishdan oldin uni o‘tkazib yuborganlik sabablarini tekshirib chiqishi lozim. Agar da’vo muddati uzrsiz ravishda o‘tkazib yuborilgan bo‘lsa, sud da’vogarning da’vo talabini rad etishi kerak. Agar sud da’vo muddati o‘tkazib yuborilganligi sababini uzrli deb topsa, shaxslarning buzilgan subyektiv huquqini himoya qilishi lozim.