Ўзбекистон республикаси адлия вазирлиги

Tan olish haqidagi da’volarda esa, da’vogar suddan nizoli huquqiy munosabatning mavjudligini yoki yo‘qligini tasdiqlashni yoxud nizoli huquqning o‘ziga tegishli ekanligini tan olishni so‘raydi.
Tan olish haqidagi da’volar ikki turga – ijobiy va salbiy turlarga bo‘linadi. Tan olish haqidagi ijobiy da’vo da’vogar o‘ziga ma’lum bo‘lgan huquqni tan olish haqidagi talabni, masalan yashash joyiga mulk huquqini tan olish haqidagi talabni asoslab berishdan iboratdir.
Tan olish haqidagi salbiy da’vo bo‘yicha da’vogar ma’lum huquqning mavjudligini rad etadi, da’vogar o‘zining biron bir majburiyatga ega emasligini tasdiqlaydi, masalan, otalik haqidagi akt yozuvi bo‘yicha nizolashish haqidagi da’vo shular jumlasidandir. Shunday qilib, tan olish haqidagi da’volarni umumiy tavsiflovchi xarakteri da’vogar suddan o‘ziga bir narsani olib berish yoki undirib berishni emas, balki subyektiv huquq, manfaatni tan olish yoki ularni rad etishni talab qilishidan iborat.