Ўзбекистон республикаси адлия вазирлиги

Xususiy uy-joy fondiga quyidagalar kiradi: fuqarolarning mulki bo‘lgan uy-joy fondi (yakka tartibdagi turar-joy binolari, xususiylashtirilgan, qurilgan hamda sotib olingan kvartiralar na uylar, uy-joy hamda uy-joy qurilish koope­rativlariga qarashli uylardagi pay badallari to‘liq miqdorda to‘langan kvartiralar, hadya, ayirboshlash shartnomalari hamda meros huquqi va O‘zbekiston Respublikasi FKning 187-moddasi asosida olingan kvartiralar va uylar); xo‘jalik shirkatlari va jamiyatlari, kooperativlar, jamoat birlashmalari, jamoat fondlari hamda boshqa nodavlat yuridik shaxslarning mulki bo‘lgan hamda ularning mablag`lari hisobidan qurilgan yoki kim oshdi savdosida yoxud qonun hujjatlarida nazarda tutilgan boshqa asoslarda (oldi-sotdi, hadya, meros, va h.k. shartno­malar) olingan kvartiralar va uylar.

Shuningdek, O‘zbekiston Respublikasi Oliy sudi Plenumining

2004-yil 24-sentabrdagi “Yakka tartibda qurilgan uyga bo‘lgan mulk huquqi bilan bog‘liq nizolar bo‘yicha sud amaliyoti to‘g‘risida” gi qa­rorida ham sudga taalluqli uy-joyga oid nizolarni quyidagi tur­lari ko‘rsatilgan:
a) uyga yoki uning bir qismiga (ulushga) bo‘lgan mulk huquqini e`tirof etish haqidagi;
b) umumiy ulushli mulk huquqi asosida bir necha shaxsga yoki umumiy birgalikdagi mulk huquqi asosida er-xotinga tegishli uydan ulushni ajratib berish (uyni bo‘lish) haqidagi;
v) tegishli hokimiyatdan ruxsat olingan holda uyning va yordamchi imoratlarning ustiga, yoniga qo‘shimcha imoratlar qurish yoki ularni qayta qurishlarga nisbatan umumiy ulushli mulkning boshqa ishti­rokchilarini e`tirozlari bo‘lganligi haqidagi;
g) uydan foydalanish tartibini belgilash haqidagi;
d) ishtirokchilarning umumiy ulushli mulk bo‘lgan uydagi ulush­lari miqdorini o`zgartirish haqidagi;
e) ishtirokchining umumiy ulushli mulk bo‘lgan uydagi ulushini imtiyozli asosda sotib olish huquqi haqidagi;
j) uyning oldi-sotdi, ayirboshlash, hadya va boshqa shartnoma­larni haqiqiy emas deb topish haqidagi;
z) o‘zboshimchalik bilan qurilgan uyga nisbatan qonunda nazarda tutilgan hollarda mulk huquqini e`tirof etish haqidagilar.