Ўзбекистон республикаси адлия вазирлиги

15-BOB. UY-JOYGA OID NIZOLI ISHLARNI SUDDA KO‘RISHNING PROTSESSUAL XUSUSIYATLARI


15.1. Uy-joyga oid nizolarning turlari

Uy-joy nizolarini obyekti va subyektiga ko‘ra quyidagi turlarga ajratish mumkin:

1) Davlat uy-joy fondidan foydalanish bilan bog‘liq nizolar;
2) Xususiy uy-joy fondi bilan bog‘liq nizolar.

O‘zbekiston Respublikasi Oliy sudi Plenumining 2001-yil 14-sentabrdagi “Uy-joy nizolari bo‘yicha sud amaliyoti haqida”gi qarorida ko‘rsatilishicha:

Davlat uy-joy fondiga quyidagilar kiradi: mahalliy davlat hokimiyati organlari ixtiyorida bo‘lgan, mahalliy budjetga tushgan soliqlar, yig`imlar va boshqa to‘lovlar, shuningdek qonun hujjatlarida nazarda tutilgan asoslar bo‘yicha boshqa tushumlar hisobidan barpo etilgan uy-joylar fondi; mahalliy davlat hokimiyati organlari ixtiyorida bo‘lgan, ma­halliy budjet mablag`lari hisobidan barpo etilgan, xususiy, muni­sipal uy-joy fondidan olib ularning balansiga berilgan fuqaro­larning ijtimoiy jihatdan himoyalanmagan, kam ta`minlangan toi­falari uchun xususiylashtirish huquqisiz ijara shartnomalari aso­sida foydalanilayotgan aniq maqsadli kommunal uy-joy fondi; davlat korxonalari, muassasa va tashkilotlarning to‘la xo‘ja­lik yurituvida yoki operativ boshqaruvida bo‘lgan idoraga qarashli bo‘lgan uy-joy fondi.