Ўзбекистон республикаси адлия вазирлиги

Sud buyruqlari o‘ziga xos bo‘lgan quyidagi belgilari bilan sud qarorlaridan farqlanadi:
birinchidan, sud buyrug‘i ishni mazmunan ko‘rmasdan, mavjud yozma hujjatlar asosida chiqariladi. Sudya ushbu holatda guvoh ko‘rsatmalarini, ekspert xulosalarini tekshirmaydi, taraflarning tushun-tirishlari va uchinchi shaxslarning bayonotlarini eshitmaydi;
ikkinchidan, arz qilingan talabning mazmuni bo‘yicha sud buyrug‘i ariza sudga kelib tushgan kundan e’tiboran uch kun ichida sudya tomonidan chiqariladi. Sud hal qiluv qarori chiqarilib, hal etiladigan fuqarolik ishlari esa sudda ko‘rishga tayyorlab bo‘lingan kundan e’tiboran bir oydan kechiktirmay ko‘rilishi lozim;
uchinchidan, buyruq tartibida ish yuritish jarayonida taraflar sifatida undiruvchi va qarzdor e’tirof etiladi;
to‘rtinchidan, sud buyrug‘i faqat qonunda belgilangan asoslar (FPKning 171-moddasi) mavjud bo‘lgandagina chiqariladi. Sud buyrug‘i nizosiz talablar yuzasidan chiqarilib, qonunda belgilan-magan asoslar yuzasidan chiqarilishi mumkin emas;
beshinchidan, sud buyrug‘ini chiqarish uchun qator shartlar mavjud bo‘lishi talab etiladi. Birinchi shart shundan iboratki, undiruvchi sud buyrug‘ini chiqarish to‘g‘risidagi ariza bilan birga qarzdorning o‘z zimmasiga olgan majburiyatini tasdiqlovchi hujjatlarni taqdim etishi shart. Ikkinchi shart – taqdim etilgan hujjatlar ishning mohiyatini o‘zida to‘laqonli aks ettirishi lozim. Uchinchi shart nizoning mavjud bo‘lmasligi;
oltinchidan, sud buyrug‘i ijro hujjati kuchiga ega bo‘lib, sud hujjatlarini ijro etish uchun qonunda belgilangan tartibda amalga oshiriladi.¹²