Ўзбекистон республикаси адлия вазирлиги

1-kazus

16 yoshli A. ismli shaxs aliment undirish to‘g‘risidagi da’vo arizasi bilan sudga murojaat qilgan. Sud FPKning 195-moddasining 1-bandiga ko‘ra, ya’ni ariza muomalaga layoqatsiz shaxs tomonidan berilganligi asosida da’vo arizasini qaytargan.

Savol:
1) Sud tomonidan kamchiliklarga yo‘l qo‘yilganmi?
2) Da’vo arizasini qabul qilishni qaytarish qaysi hollarda yo‘l qo‘yiladi?


2-kazus
S. ishga tiklash haqidagi da’vo arizasi bilan sudga murojaat qilgan. Sudya da’vogarga xodimni ishdan bo‘shatish haqidagi buyruq nusxasini taqdim etish majburiyatini yukladi. Da’vogar esa korxona rahbari ushbu buyruqning nushasini berishdan bosh tortganligini ko‘rsatgan. Ishni sudda ko‘rishga tayyorlash tartibida sudya javobgar zimmasiga ishdan bo‘shatish haqidagi bo‘yruq nusxasini va S. ning mehnat faoliyati bilan bog‘liq kasaba uyushmasi tomonidan beriladigan tavsifnomani topshirish majburiyatini yukladi. Sud tomonidan tayinlangan muddat ichida javobgar tomonidan ushbu hujjatlar sudga taqdim qilinmagan. Shu munosabat bilan sudya korxona rahbari va kasaba uyushmasi raisi zimmasiga sud jarimalarini solish haqida ajrim chiqargan.