Ўзбекистон республикаси адлия вазирлиги

Nazorat savollari
1. Mehnat nizolari taalluqliligi va sudlovliligini tushuntiring.
2. Mehnat nizolari bo‘yicha sudga murojaat qilish muddatlarini ayting?
3. Mehnat nizolarini sudda ko‘rishning protsessual xususiyatlarini ayting?
4. Mehnat nizolari bo‘yicha sud hal qiluv qarorini ijro etish tartibini tushuntiring?


1-kazus

Nurmatova sudga da’vo bilan murojaat etib, 2018-yil

1-oktyabrda nafaqaga chiqishi munosabati bilan “Jizzax pochtasi” AJning Zarbdor filiali direktori lavozimidan ozod qilish to‘g‘risida ariza bergan bo‘lsa-da, mehnat faoliyatini davom ettirganligini, 2018 yil 19 oktyabrda ish beruvchining buyrug‘i bilan O‘zbekiston Respublikasi Mehnat kodeksi 99-moddasi, ya’ni xodimning tashabbusi bilan mehnat shartnomasini bekor qilish haqidagi buyruqdan bexabarligini ko‘rsatib, ishga tiklash va majburiy progul vaqti uchun haq undirishni so‘ragan.
Sudning hal qiluv qarori bilan da’vo rad qilingan. Kassatsiya instansiyasi sudi hal qiluv qarorini o‘zgarishsiz qoldirgan.
Oliy sud fuqarolik ishlari bo‘yicha sudlov hay’ati sud qarorlarini bekor qilib, ishni yangidan ko‘rish uchun yubordi.
Savol: Ushbu masalada xodimni o‘z tashabbusi bilan mehnat shartnomasini bekor qilish to‘g‘risidagi ish beruvchining buyrug‘i qonuniymi? Birinchi instansiya sudining xatoliklari nimada?


2-kazus

Zaripova fuqarolik ishlari bo‘yicha tumanlararo sudiga ishga tiklash to‘g‘risidagi da’vo bilan murojaat qilgan. Da’vo arizasida ko‘rsatilishicha, 2018-yil 10-mayda uning bilan ish beruvchi o‘rtasida 2018-yil

10- noyabrgacha bo‘lgan muddatga mehnat shartnomasi tuzilgan bo‘lib, uch oylik dastlabki sinov belgilangan.
Bosh direktorning 2018-yil 19-iyul oyidagi 156-sonli buyrug‘iga ko‘ra, Zaripova bilan tuzilgan mehnat shartnomasi Mehnat kodeksining 82-moddasiga ko‘ra, ya’ni sinov natijasi qoniqarsiz bo‘lganligi uchun bekor qilingan.

Savol: Fuqarolik ishlari bo‘yicha tumanlararo sudi tomonidan mehnat qonunchiligining qaysi me’yorlari buzilgan? Qaysi hollarda xodim bilan mehnat shartnomasi tuzilganda dastlabki sinov belgilanmaydi?