Ўзбекистон республикаси адлия вазирлиги тошкент давлат юридик институти

Экспертга жиноят ишининг барча материаллари, идоравий норматив 
ҳужжатлар, олинган намуналар ва бошқа сингарилар берилиши керак. 
Текшириш учун зарур бўлган материаллар ҳажмини эксперт билан ол-
диндан келишиб олиш фойдалидир. Табиийки, экспертга тақдим эти-
ладиган маълумотлар тўла ва аниқ бўлиши керак. Акс ҳолда, янглиш 
хулоса чиқирилиши мумкин. Экспертизанинг муҳим, лекин иш бўйича 
ягона далил бўлмаган натижаси ишнинг бошқа материаллари билан 
биргаликда текширилади ва баҳоланади.
Суд-тиббиёт экспертизаси мазкур тоифадаги ишлар бўйича асосан 
ўлимнинг сабабларини, баданга етказилган шикастларнинг даражаси-
ни, жабрланувчининг бахтсиз ҳодиса пайтидаги аҳволини, жабрла-
нувчининг кийим-кечаги ва баданидаги изларни ҳамда жароҳатловчи 
омилларни аниқлаш учун тайинланади. Суд-тиббиёт экспертизаси 
тирик шахслар, мурда, кийим-кечак ёки бошқа нарсаларга тааллуқли 

---

масалаларни ҳал қилиши мумкин. Терговчи экспертга ҳодиса жойини 
кўздан кечириш маълумотларни, тиббий ҳужжатларни, идоравий 
текшириш материалларини, ишнинг бошқа материалларини тақдим 
этиши керак. Ишлаб чиқариш санитарияси ва касб касалликлари 
бўйича тиббиёт мутахассисларини жалб этган ҳолда комплекс суд-
тиббиёт экспертизаси тайинланиши мумкин. 
Ниҳоят, тўпланган далиллар асосида айбланувчини сўроқ қилишнинг 
ўзига хос хусусиятлари тергов қилинаётган ҳодиса содир бўлган соҳа-
даги ишлаб чиқариш фаолиятининг ўзига хос жиҳатларидан келиб 
чиқади. Сўроқ қилиш чоғида аниқланадиган масалалар технология