Zbekiston respublikasi adliya vazirligi toshkent davlat yuridik universiteti

13.5. HUQUQIY LAYOQAT VA MUOMALA LAYOQATI

Huquqiy layoqat – bu shaxs tomonidan qonun bilan nazarda tutilgan subyektiv huquq va yuridik majburiyatlarga ega bo‘lish layoqati.

Muomala layoqati – shaxsning huquq normalarida ko‘zda tutilgan huquq va majburiyatlarga ega bo‘lish, ularni o‘z harakatlari bilan amalga oshirish layoqati va yuridik imkoniyati.
Huquqiy layoqatning turlari – bu o‘z harakatlari bilan fuqarolik-huquqiy bitimlarda ishtirok qilish layoqati va delikt layoqati ‒ sodir etilgan huquqbuzarlik uchun huquq normalarida ko‘zda tutilgan yuridik javobgarlik tortilish mumkinligi.
Huquqiy layoqat va muomala layoqatini farqlash, asosan, fuqarolik huquqi uchun xosdir, chunki fuqaroning huquqiy layoqati uning tug‘ilishi bilan va muomala layoqati ‒ shaxs muayyan yoshga yetishi bilan boshlanadi.