Zbekiston respublikasi adliya vazirligi toshkent davlat yuridik universiteti

Suverenitetga egaligi. Davlat suvereniteti bu – davlatning siyosiy-huquqiy xususiyati, belgisi bo‘lib, u davlat hokimiyatining oliyligi va mustaqilligida ifodalanadi.
Davlat hokimiyatining oliyligi quyidagilarda ko‘rinadi:

• 
  davlat hokimiyatining umumiyligi, ya'ni uning hokimiy kuchi, ta'siri butun mamlakat hududiga, barcha aholiga, hamma tashkilot va muassasalarga, barcha siyosiy partiyalar va jamoat tashkilotlariga tarqalishida ifodalanadi;
  
• 
  davlat hokimiyatining o‘ziga xosligi, ya'ni butunlay o‘ziga xosligi va shu bois davlat hokimiyati organlari boshqa biron-bir ijtimoiy hokimiyatning muayyan xatti-harakati qonunga zid bo‘lsa, uni bekor qilishi, nohaqiqiy deb hisoblashi mumkin. Masalan, jamoat tashkilotlari haqidagi qonunchilikning buzilishi qonunda belgilangan asoslar mavjud bo‘lganida sud tomonidan ushbu tuzilmaning faoliyati to‘xtatilishiga olib kelishi mumkin;
  
• 
  davlat hokimiyatida boshqa hokimiyat sohiblari ega bo‘lmagan ta'sir vositalari mavjudligi.
  

Davlat hokimiyatining mustaqilligi uning davlat ichida va davlat tashqarisida masalalarni hal etishga, har qanday qonuniy faoliyatni olib borishga bo‘lgan mutlaq va monopol huquqga egaligida ifodalanadi.
Demak, davlat hokimiyatining xususiyati (atributi) sifatida suverenitet – ma'lum bir hududda oliy hokimiyatga egalik, davlatning ichki va tashqi siyosatdagi to‘la mustaqilligidir.