Ўзбекистон республикаси адлия вазирлиги тошкент давлат юридик институти

ва суд конституциявий назорати. 
АҚШ Конституцияси Олий суд 
ваколатлари доирасини фақат умумий шаклда белгилаб, унинг 
юрисдикциясини бошланғич ва апелляция турларига бўлади. 
Бошланғич юрисдикциясига тегишли бўлган ишларнинг рўйхати 
Конституция матнида тўлиқ кўрсатилган, шу туфайли, Олий суд 
шарҳларига мувофиқ, мазкур юрисдикция суд томонидан бевосита 
амалга оширилиши мумкин, чунки конгресс уни тартибга солиш 
бўйича ваколатларга эга эмас. Бироқ амалиётда суднинг бошланғич 
юрисдикцияси конгресс томонидан тартибга солинади (суд тузилиши 
тўғрисидаги қонунчилик). 
Ҳозирги пайтда Олий суднинг мутлоқ истисно юрисдикцияси 
қуйидагиларни ўз ичига қамраб олади: 
1. Иккита ёки бундан ортиқ штатлар ўртасидаги низолар. 
2. Элчилар ёки хорижий давлатларнинг бошқа дипломатик 
вакилларига нисбатан қўзғатилган ишлар, агарда уларга халқаро 
ҳуқуқ нуқтаи назаридан йўл қўйилаётган бўлса. 
Олий суднинг апелляция юрисдикцияси (бошланғичдан фарқли 
равишда) Конституциянинг ўзида бевосита белгиланмаган, шу 
сабабли унинг ҳажмини белгилаш конгресс ваколатларига киради. 
Конституциянинг аниқ мазмунидан келиб чиқиб, конгресс Олий 
суднинг апелляция юрисдикциясини белгилаганида федерал суд 
ҳокимиятининг ваколатлари доирасидан чиқиб кетмаслиги керак. 
Айнан апелляция юрисдикцияси Олий суд томонидан уни 
АҚШнинг ҳақиқий фаолият юритаётган олий суд инстанциясига 
айлантирадиган энг асосий конституциявий ваколатларини ҳамда 
Конституциядан ташқари эгалланган судлов ваколатларини амалга 
оширишнинг асосий воситаси ҳисобланади. 
Амалдаги қонунчиликка мувофиқ, суд ишлари устидан АҚШ 
Олий судига учта апелляция шаклларидан бири орқали шикоят 
берилиши мумкин: 
апелляция, сертиорари, сертификат
. 

---

297 
Апелляция
қуйи турувчи федерал судларининг ёки штат олий 
судининг қарори устидан шикоят келтирган тараф томонидан 
берилади ва ҳеч бўлмаганда формал равишда апеллянтга унинг иши 
Олий судда (фактик таркиби ёки ҳуқуқий асослари бўйича) қайта 
кўриб чиқилиши ҳуқуқини тақдим этади. 
Сертиорари 
– бу ишнинг Олий суд томонидан қайта кўриб 
чиқилишига олиб келиши мумкин бўлган шикоят беришнинг яна 
битта шакли, бироқ манфаатдор тарафнинг петицияси кўриб 
чиқилишидан сўнг ишнинг талаб қилиб олиниши фақат суднинг 
ихтиёри бўйича муҳим сабаблар мавжуд бўлган ҳолда амалга 
оширилиши мумкин. 
Сертификат – 
бу муайян иш кўриб чиқилиши жараёнида келиб 
чиққан ноаниқ ёки мунозарали ҳуқуқий масала бўйича фикр 
билдириш тўғрисидаги апелляция судининг Олий судга йўлланган 
илтимосидир. Мазкур ҳолда Олий суд ёки қўйилган саволларга жавоб 
бериши, ёки ишнинг ўзини ўз иш юритувига талаб қилиб олиши ва 
уни кейинчалик тўлиқ ҳажмда кўриб чиқиши мумкин. Апелляция ва 
сертиораридан фарқли равишда, мазкур шаклдан Олий суд анча кам 
ҳолларда фойдаланади. 
Олий суднинг фикрича, суд ҳокимиятининг уни қонун чиқарувчи 
ва 
ижро 
этувчи 
ҳокимиятларидан 
ажратиб 
турадиган 
атрибутларининг бири сифатида, суд қарорининг узил-кесил 
характери хизмат қилади.