Ўзбекистон республикаси адлия вазирлиги тошкент давлат юридик институти

девонхона мудири 
зиммасига юклатилган. У суд ходимлари 
ўртасида ишларни тақсимлайди, уларнинг ижро этилишини назорат 
қилади; судга келиб тушадиган ҳужжатларни тақсимлайди; статистик 
ҳисоботлар учун маълумотларни тайёрлайди; суд бўйича буйруқ ва 
фармойишлар китобларини сақлайди; судга келиб тушган таклиф, 
ариза ва шикоятларни рўйхатга олади ва уларнинг муддатда ижро 
этилишини назорат қилади; жиноят ишлари бўйича ашёвий далиллар 
сақланишини таъминлайди; суднинг юқори турувчи суд органлари ва 
бошқа ҳуқуқни муҳофаза қилувчи органлар, жамоат ташкилотлари, 
корхоналарга ёзган хизмат хатларини расмийлаштиради. 
Архив мудири зиммасига қуйидаги мажбуриятлар бажарилиши 
юклатилган: архив ишини ташкил этиш; архивга топшириладиган иш 
ва ҳужжатлар лозим даражада расмийлаштирилиши устидан назорат 
қилиш; архивда ҳужжатларни сақлаш, уларни белгиланган муддатлар 
ва тартибда йўқ қилиш ёки Давлат архивига топшириш. 
Муайян аниқ бир судья томонидан кўриб чиқилиши лозим бўлган 
суд ишлари бўйича иш юритишни 
суднинг котиблари
олиб 
борадилар. Улар ишларни сақлайдилар, керакли журнал ва 
карточкаларни 
юритадилар, 
тугалланган 
ишларни 
расмийлаштирадилар ва архивга топширадилар. 

---

165 
Суд мажлисининг котиби суд мажлисининг баённомасини 
юритади, судда мажбуриятларини бажариш учун навбатдаги халқ 
маслаҳатчиларини таклиф қилади, суд мажлисининг иштирокчилари 
ва гувоҳларини чақиради, эшитилиши мўлжалланган ишлар бўйича 
зарур маълумотларни тайёрлайди. 
Судларда 
курьерлар
ҳам ўз фаолиятини амалга оширишлари 
мумкин, уларнинг зиммасига Мансаб йўриқномасининг умумий 
қоидаларига риоя этиш; юқори турувчи судлар, прокуратура 
органлари, жазони ижро этиш муассасаларига хат-хабарларни 
етказиш; девонхона ишига ёрдам кўрсатиш каби вазифалар киради. 
Судларда қонунчилик ва суд амалиёти бўйича маълумот ишлари 
олиб борилади. Маълумот ишлари кодекслар, Ўзбекистон 
Республикасининг бошқа қонунлари, Ўзбекистон Республикаси 
Президентининг фармонлари, Ўзбекистон Республикаси Ҳукумати 
қарорлари, Ўзбекистон Республикаси Олий суди тушунтиришлари, 
Адлия 
вазирлигининг 
буйруқ 
ва 
йўриқномалари 
расмий 
нашрларининг назорат нусхаларини сақлашдан иборат. 
Маълумот ишларининг ҳолатига масъул бўлган судья амалдаги 
қонунларга киритилган расмий ўзгартишларни кузатиб боради, 
назорат нусхаларига тегишли ўзгартишларни киритади ва улар билан 
қолган судьяларни ва бошқаларни таништиради.