Ўзбекистон республикаси адлия вазирлиги тошкент давлат юридик институти шорахметов шоакбар шорустамович

353-м о д д а. Пpотест келтиpиш


Пpотест келтиpиш учун асос мавжуд бўлса, ушбу Кодекс­нинг 349-моддасида санаб ўтилган мансабдоp шахслаp пpотест ёзиб, уни иш билан биpга тегишли судга юбоpадилар. Пpотест­нинг мазмуни ушбу Кодекснинг 323-моддасида баён этилган қоидалаpга мос келиши лозим. Пpотест судда ишда иштиpок этувчи шахслаpнинг сонига мутаносиб равишда нусхалаpи билан тақдим қилинади.


1. Қонуний кучга кирган суднинг ҳал қилув қарори, ажрими ва қарорларини назорат тартибида қайта кўриш учун қонунда белги­ланган (ФПКнинг 349-модда) ваколатли мансабдор шахслар про­тест келтириш ҳуқуқига эгадирлар. Агар ушбу шахслар ман­фаатдор шахслар томонидан протест келтириш тўғрисидаги ариза (шикоят)ни асосли деб топса, протест ёзиб уни иш билан тегишли судга юбориши лозим.
Назорат протестида қуйидагилар кўрсатилган бўлиши керак:
1) протест келтирилаётган суднинг номи;
2) протест келтираётган шахснинг номи (фамилияси, исми ва отасининг исми);
3) шикоят қилинаётган ёки протест келтирилаётган ҳал қилув қарори ва уни чиқарган суд;
4) ҳал қилув қарорининг нотўғрилиги нимадан иборат эканлиги;
5) протест келтираётган шахснинг илтимоси;
6) протестга илова қилинган ёзма материалларнинг рўйхати.
Агар фуқаро ёки ташкилот протест келтириш ваколатига эга бўлган шахсга уч йил ичида мурожаат этмаган тақдирда, шикоят қилиш муддати ўтган ҳисобланади.
2. Фуқаролик ишларини апелляция, кассация тартибида кўриб ҳал қилиш қоидалари каби назорат судлари ҳам ишни тўлиқ ҳажм­да кўриши белгиланган. Иш юзасидан протест келтириш тўғрисида шикоят қилинган қарорнинг нафақат тўлиқ қисмига, шу билан бирга, ҳал қилув қарорининг асослантириш қисмига, шунингдек, хулоса қисмига ҳам берилиши мумкин.
3. Назорат инстанцияси суди (апелляция, кассация судларига нисбатан) бир неча қуйи судлар томонидан чиқарилган қарорлар­нинг қонуний, асосли, адолатли эканлиги бўйича ҳар бирига баҳо бериши билан ҳам фарқланиб, протестда ана шулар ҳақида тўлиқ маълумотлар берилиши лозим.
4. Юқорида қайд қилганимиздек, назорат тартибида берилади­ган протест ҳам суд ишида иштирок этувчи шахсларнинг сонига мутаносиб равишда нусхалари билан тақдим этилиши лозим.