Ўзбекистон республикаси адлия вазирлиги тошкент давлат юридик университети

Тадқиқотнинг объектини айрим тоифадаги ходимлар билан меҳнат шартномасини тузиш юзасидан келиб чиқадиган ижтимоий муносабатлар ташкил қилади.
Тадқиқот предмети айрим тоифадаги ходимлар билан меҳнат шартномасини тузишга оид миллий қонунчилик ва ҳуқуқни қўллаш амалиёти, хориж давлатларининг тажрибаси, халқаро стандартлар ҳамда мавзуга оид меҳнат ҳуқуқидаги турли назариялар ва қарашлардан иборат.
Тадқиқотнинг мақсади айрим тоифадаги ходимлар билан меҳнат шартномасини тузишнинг хусусиятларини белгилаш орқали меҳнат ҳуқуқи назариясини ривожлантириш ва қонунчиликни такомиллаштиришга қаратилган таклиф ва тавсияларни ишлаб чиқишдан иборат.
Тадқиқотнинг вазифалари. Тадқиқот мақсадига эришиш учун ўз олдига қуйидаги вазифаларни қўйган:
- меҳнат муносабатларини ҳуқуқий тартибга солишда бирлик ва дифференциациянинг аҳамиятини очиб бериш;
- дифференциация асослари, уларнинг чегаралари ва таснифланишини кўриб чиқиш;
- нотипик меҳнат шартномалари тушунчаси ва уни тузишнинг ўзига хос жиҳатларини ўрганиш;
- айрим тоифадаги ходимлар билан меҳнат шартномасини тузишни тартибга солувчи миллий қонунчиликни ва ҳуқуқни қўллаш амалиётини таҳлил қилиш;
- айрим тоифадаги ходимлар билан меҳнат шартномаси тузишга оид халқаро стандартларни ўрганиш ва қиёсий-ҳуқуқий таҳлилни амалга ошириш;
- меҳнат шартномаси институтида дифференциациянинг намоён бўлишини очиб бериш;
- айрим тоифадаги ходимлар билан меҳнат шартномасини тузиш амалиётини тадқиқ этиш.
Тадқиқотнинг илмий янгилиги. Тадқиқотнинг илмий янгилигини қуйидагилар белгилаб берган:

• 
  меҳнат муносабатларини ҳуқуқий тартибга солишда умумийлик ва хусусийликнинг нисбати аниқланганлиги;
  
• 
  меҳнат шартларининг бирлиги ва дифференциацияси меҳнат ҳуқуқи услубининг хусусиятли белгиси эканлиги кўрсатилганлиги;
  
• 
  дифференциация тушунчасига таъриф ишлаб чиқилганлиги;
  
• 
  меҳнатни тартибга солишнинг хусусиятлари фақат имтиёзлар ва кафолатлар эмас, балки чекловлардан ҳам иборат бўлиши мумкинлиги аниқланганлиги;
  
• 
  дифференциацияни белгилаш асослари ва тартиби ишлаб чиқилганлиги;
  
• 
  меҳнат шартномасини тузишда дифференциациянинг намоён бўлиш хусусиятлари кўрсатиб берилганлиги;
  
• 
  нотипик меҳнат шартномасининг тушунчаси ва унинг таърифи ишлаб чиқилганлиги;
  
• 
  электрон меҳнат шартномаси тушунчаси ва унинг таърифи берилганлиги.