Ўзбекистон республикаси адлия вазирлиги тошкент давлат юридик институти

 
 
 
 
 
 

---

© Муаллифлар жамоаси. 
© Тошкент давлат юридик институти, 2007йил. 

---

Дастур 
 
Инвестиция ҳуқуқи тушунчаси
Бозор иқтисодиёти шароитида инвестиция фаолиятининг роли, 
аҳамияти ва инвестиция фаолияти тушунчаси. Ўзбекистон 
Республикаси Президенти И.А.Каримовнинг асарларида инвестицион 
фаолиятни ривожлантириш масалалари. Инвестиция ҳуқуқи 
тушунчаси. Инвестиция ҳуқуқининг предмети, услублари ва 
тамойиллари. Инвестиция ҳуқуқининг бошқа ҳуқуқ фанларидан 
фарқи. 
 
Инвестиция ҳуқуқининг манбалари 
Инвестиция ҳуқуқининг манбалари тушунчаси. Инвестиция 
қонунчилиги тизими. Ўзбекистон Республикасининг Конституцияси - 
ижтимоий ҳаётнинг барча соҳалари бўйича қонунчилик асоси 
сифатида. Ўзбекистон Республикаси қонунлари. Ўзбекистон 
Республикаси Президенти фармонлари ва қарорлари. Ўзбекистон 
Республикаси Вазирлар Маҳкамаси қарорлари. Локал ҳужжатлар. 
Ўзбекистон Республикаси Олий суди ва Олий хўжалик суди Пленуми 
ва Раёсати қарорлари. Иш муомаласи одатлари. Инвестиция 
қонунчилигининг ривожланиш босқичлари.
 
Инвестицияларни амалга ошириш шакллари
Инвестиция ресурслари. Инвестиция фаолияти объектлари. 
Инвестицияларни амалга ошириш шакллари тушунчаси ва турлари. 
Юридик шахслар тузиш, уларнинг устав жамғармаларида 
(капиталларида) улушли иштирок этиш, мол-мулкни ва акцияларни 
олиш орқали инвестицияни амалга ошириш. Қимматли қоғозларни ва 
Ўзбекистон Республикаси резидентлари томонидан эмиссия қилинган 
қарз мажбуриятларини олиш орқали инвестицияни амалга ошириш. 
Табиий ресурсларни қидириш, ишлаб чиқиш, қазиб олиш ёки улардан 
фойдаланишга бўлган концессияларни олиш орқали инвестицияни 
амалга ошириш. Мулк ҳуқуқини қўлга киритиш орқали инвестицияни 
амалга ошириш. Ерга ҳамда бошқа табиий ресурсларга эгалик қилиш 
ва улардан фойдаланиш ҳуқуқини олиш орқали инвестицияни амалга 
ошириш. 

---