Ўзбекистон респубикаси

2.3. Сифатни бошқаришнинг хорижий тажрибалари

Халқаро ҳамжамият маҳсулот сифатига техникавий талабларни меъёрлаштиришга ягона ёндашишни ишлаб чиқди. Бу ишда асосий рол ва муҳим аҳамият сифатни давлат томонидан тартиблаштириш шакли ва уни таъминлаш усуллари сифатида қонунчиликга қаратилган.

Илмий-техникавий тараққиётнинг замановий ривожланиш босқичида маҳсулот сифати миллий иқтисодиётни ривожлантиришнинг асосий муаммолари миқдорига қаратилади. Дунёдаги саноати ривожланган барча мамлакатларда маҳсулот сифатини ошириш ва уни жаҳон бозорида рақобатбардошлиги муаммоларини ҳал этиш йўллари фаол равишда қидирилмоқда. Дунёнинг учта етук ҳудудлари: АҚШ, Япония ва Ғарбий Европа мисолида сифатни бошқаришни ривожланиш тарихини кўриб чиқамиз. Дунёнинг турли ҳудудларида стандартлаштириш, сертификатлаштириш ва метрологиянинг қонуний асослари 2.1-жадвалда келтирилган.
2.1-жадвал
Дунёнинг турли ҳудудларида стандартлаштириш, сертификатлаштириш ва метрологиянинг қонуний асослари

Мамлакат	Стандартлаштириш бўйича қонун	Сертификатлаштириш бўйича қонун	Метрология бўйича қонун
АҚШ	Стандартлаштириш ва каталоглаштириш тўғрисида (1954 йил)	Истеъмол товарларининг хавфсизлиги тўғрисида (1972 йил)	Метрологик тизим тўғрисида (1986 йил)
Япония	Саноатни стандартлаштириш тўғрисида (1949 йил, 1980 йил ўзгартирилган)	Истеъмол товарларининг хавфсизлиги тўғрисида (1973 йил)	Ўлчашлар тўғрисида (1985 йил)
Германия	Федерал ҳукумати ва ДИН ўзаро келишуви (1979 йил)	Техникавий воситаларнинг хавфсизлигини таъминлаш тўғрисида (1968 йил) Атроф-муҳитни ҳимоялаш тўғрисида (1974 йил) Оммавий истеъмол товарлари ва озиқа маҳсулотлари тўғрисида (1974 йил)	Ўлчаш ишлари тўғрисида (1985 йил) Ўлчаш бирликлари ва қиёслаш тўғрисида (1985 йил)