Ўзбекистон иқтисодчилари XIII форуми

Асосий қисм. 
Мақоланинг мақсади – Бандлик барометрини аҳолини иш жойлари билан 
таъминлаш соҳасидаги инновацион инструмент сифатида ёритиш, шунингдек Бандлик барометри 
асосида келгуси яқин давр мобайнида ишчи кучига бўлган талабнинг ўзгариш прогнозини 
ҳисоблашдан иборат. 
Ушбу мақсадга эришиш учун изланувчилар томонидан қуйидаги вазифалар белгиланди: 
- халқаро тажрибадан келиб чиққан ҳолда, сўровнома ўтказишнинг аниқ тартибини ва 
қоидаларини белгилаш; 
- ҳудудларда тадбиркорлар томонидан ишчи кучига бўлган миқдорий ва сифат талабларини 
аниқлаш услубиётини ишлаб чикиш; 
- амалга оширилган сўровнома натижаларига кўра, керакли ахборот базасини шакллантириш, 
барометр кўрсаткичларини (ҳудудлар ва соҳалар даражасида) аниқлаш ва шу асосда бандликни 
ошириш бўйича таклифлар ишлаб чиқиш. 
Бандлик барометрини ҳисоблаш услубиёти – сўровномалар асосида йиғилган меҳнат бозори 
маълумотларини баланс статистикаси ёрдамида ҳисоблашдан иборат.
Барометр кўрсаткичи қуйидаги тармоқлар кесимида ҳисоблаб чиқилади: 
саноат,
қишлоқ 
хўжалиги, қурилиш, савдо, ташиш ва сақлаш, яшаш ва овқатланиш бўйича хизматлар, ахборот 
ва алоқа, соғлиқни сақлаш, хизматларнинг бошқа турлари
. 
Ушбу барометр ўтказилган ҳар бир сўровномага нисбатан кейинги 3 ой ичида иқтисодиётда 
қайси соҳаларда ишчиларга эҳтиёж кутилаётганлигини баҳолаш имконини бериб, меҳнат бозорига 
кириб келаётган ёшлар учун ҳамда таълим тизими томонидан кадрлар тайёрлаш йўналишларини 
аниқлашда муҳим аҳамият касб этади.

---

51 
Бандлик барометрини ҳисоблаш учун маълумотлар қуйидаги ҳудудлар кесимида 
шакллантирилади: 
- Қорақалпоғистон Республикаси, барча вилоятлар ва Тошкент шаҳри; 
- шаҳарлар (республика ва вилоятлар тасарруфидаги); 
- туманлар (туман тасарруфидаги шаҳарлар, шаҳар посёлкаларини ҳисобга олган ҳолда). 
Мамлакат ижтимоий-иқтисодий ривожланиш жараёнида бевосита иштирок этаётган, тижорат 
фаолияти билан шуғулланадиган юридик шахслар ва фуқаролар [5] сўровнома субъектлари 
ҳисобланади.