Ўзбекистон фермер хўжаликлари: ривожланиши, ихтисослашуви, географияси

ACADEMIC RESEARCH IN EDUCATIONAL SCIENCES 
VOLUME 1 | ISSUE 3 | 2020 
ISSN: 2181-1385 
Scientific Journal Impact Factor (SJIF) 2020: 4.804 
Academic Research, Uzbekistan 683  www.ares.uz 
фермер хўжаликларида чорвачилчиликни ташкил этиш, чорва молларини ем-
хашак билан таъминлаш, маҳсулдорлигини ошириш ва олинган маҳсулотлани 
қайта ишлашда замонавий технологияларни қўллаш имкониятлари бирмунча 
яхшироқ. 
 
ХУЛОСА 
Ўзбекистон Республикасининг ички табиий шароити деярли барча қишлоқ 
хўжалиги тармоқларини ривожлантириш имкониятини беради. Мамлакатнинг 
марказий минтақаси – Самарқанд, жануби – Қашқадарё ва Сурхондарё, шарқи – 
Фарғона, Андижон ва Наманган вилоятлари боғдорчилик ва узумчиликнинг 
ривожланиши борасида қулай шароитларга эга. Истиқболда ушбу ҳудудларда 
боғдорчилик ва узумчиликка ихтисослашган фермер хўжаликларини 
ривожлантириш, янги боғлар ва токзорлар барпо этиш бўйича қуйидаги чора-
тадбирларни амалга ошириш мақсадга мувофиқ: ҳудуднинг табиий шароитлари, 
шунингдек ташқи ва ички бозордаги талабни инобатга олиб, узум ва меванинг 
самарали ва саноатбоп навларини етиштириш; ток-мева кўчатларини етказиб 
беришни таъминлаш мақсадида кўчатчиликка ихтисослаштирилган фермер 
хўжаликларини ташкил этиш ва хўжаликларда виночилик маҳсулотлари, мева 
шарбатлари, қуритилган мевалар ишлаб чиқаришни йўлга қўйиш.
 
Навоий, Жиззах, Самарқанд, Бухоро ва Қашқадарё вилоятлари қишлоқ 
хўжалиги ерларида яйловлар салмоқли ўринни эгаллайди. Шу боисдан, бу 
минтақаларда 
чорвачиликка 
ихтисослашган 
фермер 
хўжаликларини 
ривожлантириш имконияти яхши. Мазкур вилоятларда фермер хўжаликларига 
ажратилган ерларнинг ҳосилдорлигини ошириш асосида уларнинг ем-хашак 
базасини мустаҳкамлаш, чорва моллари наслдорлиги ва маҳсулдорлигини 
яхшилашда замонавий зоотехника, ветеринария ва селекция ютуқларидан кенг 
фойдаланиш, минтақаларнинг табиий-иқлим шароитларини ҳисобга олган ҳолда 
уларнинг ихтисослашувини такомиллаштириш, боқиладиган чорва моллари 
зотларини маҳаллий иқлимга мос танлаш, етиштирилган маҳсулотларни сақлаш, 
қайта ишлаш ва сотиш борасидаги ишларни кенгайтиришни амалга ошириш 
лозим. 
Республиканинг текислик қисмида жойлашган иқлими иссиқ ва қуруқ, 
суғорма деҳқончилик ривожланган Сирдарё, Хоразм ва Жиззах вилоятлари 
полизчиликка ихтисослашган фермер хўжаликларини янада ривожлантириш 
борасида етарлича шароитлар мавжуд. Шу боис, бу ерда фермер хўжаликлари 
ихтисослашувини 
айнан 
шу 
йўналишда 
ошириш 
ҳисобига 
такомиллаштирилиши мақсадга мувофиқ. 

---