«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

Ўзбекистон Республикаси Вазирлар Маҳкамасининг таркибини айтиб беринг

Жавоб: Ўзбекистон Республикаси Вазирлар Маҳкамаси таркибига қуйидаги мансабдор шахслар киради: Ўзбекистон Республикаси Бош вазири; Бош вазир ўринбосарлари; вазирлар; давлат қўмиталарининг раислари; Қорақалпоғистон Республикаси ҳукуматининг бошлиғи.

96. 
    Ўзбекистон Республикаси Ҳукумати қандай норматив-ҳуқуқий ҳужжатларни қабул қилиш ваколатига эга?
    

Жавоб: Ўзбекистон Республикаси Вазирлар Маҳкамаси амалдаги қонунларга мувофиқ корхоналар, муассасалар, ташкилотлар, мансабдор шахслар ва фуқаролар томонидан бажарилиши мажбурий бўлган қарорлар ва фармойишлар чиқаради. Ҳукумат Ўзбекистон Республикасининг Конституцияси, қонунлари, Президент фармонлари, бошқа норматив-ҳуқуқий ҳужжатлар асосида ва уларни бажариш мақсадида Ўзбекистон Республикасининг бутун ҳудудида барча органлар, корхоналар, муассасалар, ташкилотлар, мансабдор шахслар ва фуқаролар учун бажарилиши шарт бўлган қарорлар ва фармойишлар чиқаради.

97. 
    Ўзбекистон Республикасида марказий ижро этувчи ҳокимият ваколатларини бозор тамойилларига мувофиқлаштиришнинг аҳамиятини айтиб беринг?
    

Жавоб:Марказий ижро этувчи ҳокимият ваколатларини бозор тамойилларига мувофиқлаштириш ва иқтисодиётни бошқаришда давлат бошқарув органларининг қатнашувини камайтириш, Марказий ижро этувчи ҳокимият бошқарув тузилмалари ва маъмурий органлари вазифаларини жиддий тарзда қайта кўриб чиқишни тақозо қилди.
Марказий ижро этувчи ҳокимиятнинг бошқарув тузилмалари ва маъмурий органларнинг вазифаларини ўзгартириш: уларнинг бошқариш борасидаги ваколатларини қисқартириш; уларнинг тартибга солиш борасидаги ваколатларини қисқартириш; уларнинг тақсимлаш борасидаги ваколатларини қисқартириш; уларнинг хўжалик тузилмалари фаолиятига бевосита аралашувини кескин қисқартиришда намоён бўлади.

98. 
    Ўзбекистон Республикасида давлат бошқарувининг ўзига хос хусусиятларини айтиб беринг.
    

Жавоб: Давлат бошқарувида вертикал бошқарув органларининг ваколатларини қисқартириш ҳисобига горизонтал бошқарув органларининг ваколатларини кенгайтириш давлат бошқаруви соҳасида марказлаштиришни чеклашга имконият яратади. Бунда бошқарув борасидаги вазифаларнинг бир қисмини республика даражасидан маҳаллий (вилоят, туман, шаҳар) миқёсига ўтка зишнинг аҳамияти катта бўлди. Айниқса, маҳаллий ўзини-ўзи бошқаришнинг ноёб шакли бўлган маҳалла тизими фақатгина Ўзбекистонда амал қилган ўзига хос янгилик бўлиб давлат бошқаруви фани ва амалиётига кирди.

99.