Zbekiston badiiy akademiyasi kamoliddin behzod nomidagi milliy rassomlik va dizayn instituti

Хulosa……………………………………………………………………………………...…….38
Glossariy……………………………………………………………………..………………….40
Foydalanilgan adabiyotlar…………………………………………………..…………………42
Illyustratsiya………………………………………………………………………………………..43

KIRISH
Rangtasvir – barcha tasviriy san’at turlarining asosiylaridan biri hisoblanadi. Rassom tasviriy san’at turining qaysi birida ijod qilishidan qat’i nazar, chizmatasvir va rangtasvirga asoslanadi. U o’zining kuzatishlari, katta asar kompozitsiyalari ustidagi izlanishlarini avval qalamda dastlabki chizgilar bilan ifodalaydi. Katta san’at kompozitsiya asarlarini yaratishda esa, bajarilgan chizgilar rassomga yordamchi manba bo’lib xizmat qiladi.
Rassom u yoki bu kartinasini¹ yaratishni qalamda boshlaydi. Shundan keyingina ushbu san’at asari ranglar jilosi orqali tomoshabinga estetik huzur baxsh etadi. Boshqacha qilib aytganda, chizmatasvir, rangtasvirsiz hech bir rassom o’z asarini yetuk holga keltira olmaydi.
Rangtasvir mashg’ulotlari buyumlarni to’g’ri tasvirlash, borliqni idrok etish, qo’l, ong va sezgi organlarini shakllantirishda nafaqat bo’lajak rassomga, balki turli kasb sohasidagi kishilarga zarurdir. Uyg’onish davrining buyuk rassom va olimi Leonardo da Vinchi o’zining «Rangtasvir qonunlari» nomli asarida, jumladan, shunday degan edi: «Yoshlar, o’zlarini ilm-fan, tasviriy san’atda sinamoqchi bo’lsalar, avvalo rasm chizishni mukammal bilmoqlari lozimdir».
Mavzuning dolzarbligi: Yoshlarga badiiy ma’lumot berishda borliqni haqqoniy tasvirlash mashg’ulotlari benihoya katta bo’lib, bu ularning umumiy dunyoqa-rashlarini o’stirishda muhim ahamiyatga ega. Realistik rasm chizish san’ati tabiatdagi shakllarni haqqoniy obrazlarda tasvirlash mahoratini rivojlan-tirishni o’z oldiga maqsad qilib qo’yadi.
Rangtasvirni o’rganish yoshlarga atrofdagi jismlarning hajmini haqqoniy tasvirlash bilan birga, ranglar, ularning konstruktiv tuzilishi, buyumlarning nisbatlari, perspektiva (qisqarish) qonunlarini nazariy jihatdan o’rgatadi hamda ularning estetik didlarini o’stirishga xizmat qiladi.
Mazkur bitiruv malakaviy ishi mavzusining dolzarbligi shundan iboratki, mustaqillik yillarida va undan oldingi davrlarda ham o’zbek rassomlari ko’plab janrlarda turli xil asarlar yaratishga muvaffaq bo’lishgan, shu bilan birga ajdodlar siymolarini tasvirlashda. Men ham ulardan ilhom olgan holda “Asrlar sadosi” mavzusida, yurtimiz qahramoni bo’lmish, bobokalonimiz Jaloliddin Manguberdi timsolini ishlashga harakar qildim.
Ilmiy izlanishning maqsad va vazifalari. “Asrlar sadosi” – milliy g’urur ekanligi, vatanimizning o’tmishi qanchalik buyuk bo’lganligi hamda unda yashab o’tgan buyuk bobokalonlarimiz borligini men Jaloliddin Manguberdi timsolini chizish orqali tasvirlash.