Ўзбекистон бадиий академияси

7 – синф
1- чорак. Шаҳар манзараси. Вазифа – ёруғлик, ҳаво, муҳитни ва кенгликни бера олиш. Натюрморт (уч қатламли классик акварель). Вазифа – классик акварель техникасини ўрганиш, нарсанинг моддийлиги, фактурасини бера олиш. Иш жараёнида классик акварель усталари асарлари репродукциялари кўрсатилади.
2-чорак.“Ёрқинликда ёрқинлик“ натюрморти. Вазифа – ранг орқали бир хил рангли буюмларни, ранг ва туслари фарқини бера олиш. Натюрморт. Хўллаб ишлаш техникасида ишлаш. Вазифа – хўллаб ишлаш техникаси билан танишиш.
3-чорак.Турли ёруғликда натюрморт ишлаш (ёруғлик бўйлаб, ёруғликга тескари, ёруғликда ёнма-ён). Вазифа – рангтасвир орқали турли хил ёруғликларни тасвир эта олиш. Гипс нақш “санъат унсурлари”дан натюрморт ишлаш. Вазифа – қўйилмада (постановка) вазифа мураккаблашади, шаклларнинг мураккаблиги (гипс нақш) берилади. Интерьерда - миллий либосдаги одам. Вазифа – кенгликни, одамнингқоматини ўрганиш.
4-чорак.Баҳор гулларидан натюрморт ишлаш. Вазифа – баҳор гулларининг гўзаллиги ва тозалигини, тароватини бера олиш. Мустақил синов иши. Гипс нақшлардан натюрморт ишлаш.
8- синф
1- чорак. Мой бўёқли рангтасвир техникаси ҳақида илк суҳбат. Суҳбат давомида услубият бўлмасидан қатор иш ва репродукциялар кўрсатилади. Маиший буюмлардан натюрморт чизилади. Белиласиз, суюқ суртма техникасида, белги қўйиб ишланади. Вазифа – асосий ранг ва тус муносабатларини бериш, ифлосланиб, тартибсиз бўлиб кетишига йўл қўймаслик.
2-чорак.Натюрморт. Этюд. Вазифа – илк таъсуротни сақлаш. Натурадаги ранг ва тус муносабатлари тизимини бериш ва тўғри танлашни билиш. Маиший буюмлардан натюрморт гризаль ва ранг техникасида бажарилади. Вазифа – натюрмортда кенгликни бериш ва натюрмортнинг композицион марказини ажратиш.
3-чорак.Интерьерда натюрморт ишлаш. Вазифа – кенгликни, предметнинг моддийлигини бера олиш. Гипсдан ишланган инсон бошидан натюрморт ишлаш. Вазифа – тўртинчи вазифадаги каби гипсдан ишланган бошнинг моддийлигини бера олиш.
4-чорак.Баҳор гулларидан натюрморт ишлаш. Вазифа – баҳор гулларининг гўзаллиги ва тароватини бера олиш. Мустақил синов иши. Натуранинг бошини мато фонида ишлаш.