Мавзу: Юқори кучланиш техникасида газли изоляция

Мавзу: Юқори кучланиш
техникасида газли изоляция
Маърузачи: Навоий давлат кончилик институти
катта ўқитувчиси Ҳ.Ҳ.Эшев
1.Газларнинг физик ҳолати ва умумий характеристикалари.
2.Газларда ионлашиш ва разрядланиш турлари
3.Тўқнашув ионлашиш коэффициентлари
Газлардаги разряднинг турлари ва бориши.
Барча газлар нормал шароитда яхши изоляторлардир. Бунинг сабаби уларда эркин ҳаракатланувчи эркин заряднинг йўқлиги ҳисобланади. Агар ионизаторлар ёрдамида газда ионлар ҳосил қилинса, у ўтказгичга айланади. Газ орқали электр токи ўтиш ҳодисасига газ разряди дейилади.
Юқорида айтиб ўтилганидек, ташқи электр майдон бўлганида, ионлашган газда мусбат ҳамда манфий ионлар ва электронларнинг тартибли ҳаракати электр токини ҳосил қилади.
Ташқи омиллар (қиздириш, α, β, γ, рентген, ултрабинафша нурлари) таъсирида вужудга келиши натижасида газда кузатиладиган электр токини номустақил газ разряди дейилади.
Кучли электр майдон таъсирида газда ўз ўзидан ионлашиш бошланади, бунинг натижасида ионизатор бўлмаганида ҳам газлардан электр токи ўтиши мумкин.
Электродлар орасида электр таъсирида вужудга келадиган заряд ташувчилар туфайли кузатиладиган газлардаги электр токи мустақил газ разряди дейилади. Шундай қилиб, номустақил ва мустақил газ разрядларнинг кузатилиши катод ва анод орасидаги кучланишга боғлиқ.
Газ разрядидаги ток кучи Анинг электродлар орасидаги кучланиш Вга боғлиқлигини текшириш учун схематик тасвирланган қурилмадан фойдаланамиз. Манфий К ва мусбат А электродлар орасидаги газ И ионизаторнинг рентген тури таъсирида бўлсин.
К ва А электродлар орасидаги кучланиш Р потенциометр ёрдамида бошқарилиб, В вольтметр ёрдамида ўлчанади. Газ разряд токи жуда кичик бўлганлиги сабали сезгирлиги баланд Г галванометр билан ўлчанади.