Ўзбекистон бадиий академияси

Жами
170
Ҳаммаси		1156

Фаннинг назарий машғулотлари мазмуни


5 - синф
1-чорак. Акварель техникаси ва анъанавий мактаблар ҳақида илк суҳбат. Суҳбат давомида мактабнинг услубият бўлмасидан акварель ишлари репродукциялари кўрсатилади. Мевалардан натюрморт. Вазифа : акварель билан ишлаш услубияти ва усуллари.
2-чорак. Кичик буюмларни акварельда ишлаш (япроқлар, мевалар, ҳашаротлар ва ҳоказо). Турли оқ буюмлардан рангли фонларда натюрморт ишлаш. Вазифа : оқ буюмнинг рангини турли хил қуршовда ўзгаришини ўрганиш.
3-чорак. Рангли буюмлардан турли фонларда (оқ ва рангли) натюрморт ишлаш. Вазифа; буюмларнинг рангларини атроф-муҳитга қараб ўзгаришини ўрганиш.
Колорит вазифасини бажарган ҳолда шаклан оддий буюмлардан натюрморт ишлаш
Маиший буюмлардан натюрморт ишлаш. Вазифа: буюмнинг кўлами, материали ва фактурасини ифодалай олиш.
4-чорак. Шаҳар манзарасидан этюд ишлаш. (куз, баҳор) Вазифа: муҳитнинг ранг ва ҳавосини ифодалай олиш. Мустақил синов иши. (фонда шаклан оддий маиший буюмлардан натюрморт ишлаш).


6 – синф
1- чорак. Кузги натюрморт (мева, япроқлар, сабзавот ва ҳоказолар). Вазифа – натюрмортнинг ранг бойлигини бера олиш.Гуллардан натюрморт ишлаш. Вазифа – гулларнинг мураккаб шакллари, тозалиги ва мусаффолигини бера олиш.
2-чорак. Қотирилган қуш билан натюрморт ишлаш. Вазифа – тасвирланаётган шаклнинг мураккаблашуви, ранглар орқали характер ва кўламини бера олиш. Меҳнат қуролларидан натюрморт ишлаш. Вазифа – моделда акс этган акварелдаги туснинг аҳамиятини тушуниш.
3-чорак. ; Ранглари бир-бирига зид нарсалардан натюрморт ишлаш. Вазифа – ранглар уйғунлигини топа билиш. Рангларни яқинлаштирувчи нарсалардан натюрморт ишлаш. Вазифа – буюмларнинг тус ва ранг фарқларини кўра билиш қобилиятини ривожлантириш. Одам гавдасидан қорамалар (рангда).
4-чорак.Баҳор гулларидан натюрморт ишлаш. Вазифа – баҳор гулларининг гўзаллиги ва тароватини бера олиш.Мустақил синов иши. (нақшли фонда бир неча буюмдан натюрморт ишлаш).