Ўзбекистон бадиий академияси

Фаннинг мақсад ва вазифалари

Фанни мақсади бўлажак мутахассисларни тасвирий ва меъморий санъат турларини, тарихий тараққиёт босқичлари, анъаналарини ўрганиш, уларни сақлаш ҳамда ривожлантириш, замонавий бадиий жараёнларда уларга қай тарзда мурожаат этилаётганлигига малакавий баҳо бера олиш, яратилаётган асарларнинг бадиийлик ҳусусиятларини англаш, ҳис этиш, ўқувчиларнинг бадиий дид ва тафаккурини ошириш, ривожлантириш йўналишларини кўрсата олиш ҳамда мавжуд жараёнлар ва тарихий фактларга таяниб, назарий билимларни ёзма ва оғзаки тарзда ўртага ташлай олиш малакасини шакллантиришдан иборат.
Бу фан бўлажак ихтисослашган бадиий таълим ва дизайн мактаби ўқувчиларида юқори дид, бой фантазия, нафосат билан борлиққа ижодкорона ёндоша оладиган мутахассислар бўлиб етишишида муҳим ўрин эгаллайди. Уларни илмий - ижодий изланишга чорлайди. Мазкур “Санъат тарихи” фани ихтисослаштирилган санъат мактабларида тасвирий ва амалий безак санъати йўналиши бўйича рассом ижодкорлар тайёрлайдиган мутахассислар учун мўлжалланган. Ўқувчилар бу фанни ўқиш чоғида маъруза тинглайдилар, кўзга кўринган ижодкорлар билан суҳбатларда қатнашадилар. Шунингдек дарслар музей ва устахоналарда санъат асарларини тахлил қилиш тарзида олиб борилади. Бундай ҳолда машғулот мавзулари мураккаб бўлмаслиги ва ўқув режадан келиб чиққан ҳолда олиб борилиши, уни мустаҳкамлаш ва тўлдирилишига ҳизмат қилиши лозим.
Фанни ўқитишда Қадимги дунё санъати тарихи, Ўрта асрлар санъати тарихи, Ғарб ва Шарқ халқлари санъати, Ўзбекистон санъат тарихига таянилади. Дарс ўтиш жараёнида даврнинг энг мухим босқичлари, характерли ижодкорларнинг ва уларнинг асарларини тахлил этилади. Ҳозирги замон санъати жараёнлари моҳиятини ёритиб борилади.

Тасвирий ва меъморчилик санъати тарихи фанини ўрганиш натижасида ўқувчилар қуйидаги кўникмаларга эга бўлишлари керак:

1. 
   Тасвирий ва меъморлик санъати тарихи;
   
2. 
   Бадиий-ижодий кузатиш қобилиятларини, кўриш ҳотирасини малакасини ўстириш;
   
3. 
   Тасвирий санъатнинг назарий асослари билан танишиш;
   
4. 
   Музейлар билан ишлаш ишлари;
   
5. 
   Қадимги ва замонавий меъморлик обидалари билан танишиш;
   
6. 
   Рассомлар ва амалий санъат усталарининг классик ва ҳозирги замон санъат асарларини ғоявий-бадиий жиҳатдан тахлил қила олиш;
   

МАВЗУЛАР РЕЖАСИ