Ўзбекистон алоқа аҳборотлаштириш агентлиги

Ҳисоботни топширишга қўйилган талаблар

0. 
   6.1. Илмий-педагогик иш ҳисоботи таркиби
   

Ҳисоботда ишни ўтиш тадбирлар режасида кўрсатилган ҳар бир бўлим учун алоҳида ҳисоботлар, ҳужжатлар келтирилиши керак. Ҳисобот амалиёт раҳбари ва талаба томонидан имзоланади.

Илмий-педагогик иши тугаганидан сўнг барча амалиёт ҳисоботлари кафедрага топширилади. Илмий-педагогик иши ҳисобот синови кафедра мажлисида тасдиқланган муддатда кафедра комиссия аъзолари иштирокида кўрилади. Иш ҳақидаги ҳисобот аниқ, қисқа ва мукаммал тузилган бўлиши керак.

0. 
   6.2. Ҳисоботни тайёрлашга қўйиладиган талаблар
   
1. 
   

Ҳисобот матни А4 ( 210х297 мм ) форматдаги оқ қоғознинг бир томонига ёзилади. Қоғоз параметрлари ҳар томондан белгиланган талабларга: яъни чапдан 20-35мм, ўнгдан 10мм, тепадан ва пастдан – 20мм бўлиши керак.
Мураккаб таблица ва графикли материаллар аниқ ва сўз бошидан кейин, агар кейинги вараққа ўтиб кетса, шу вараққа мурожаат белгиси билан кўрсатилиши керак.
Саҳифалар биринчи варақдан бошлаб кетма-кетликда, расмлар, жадваллар, графиклар, иловалар билан биргаликда саҳифаланади. Титул варақ, яъни биринчи вараққа саҳифанинг тартиб рақами қўйилмайди, лекин кейинги саҳифаларда ҳисобга олинади. Титул варақнинг нусхавий кўриниши иловада келтирилади.


7. Илмий-педагогик ишини ўтказиш учун методик тавсиялар

Магистратура талабаларининг илмий-педагогик ишини ИПИ қўйилган масалани ечиш учун (гурухларда) жамоа усули билан ўтказиш мўлжалланган.

Бир неча магистрантлардан ташкил топган гуруҳ, ҳар хил тушунмовчиликларни ёки яхши ўзлаштириш, бир хил фикрга келиш учун биргина ўқитувчи раҳбарлигида иш олиб борадилар. Индивидуал ҳолда, бу гурух кафедрада ўқитилаётган биргина фанларга қизиқишга мослашмай, бу гуруҳдаги магистрантлар ИПИ амалиёти раҳбари тавсиясига кўра, бакалавриатура даврида таҳсил олган фанларнинг маъруза матнлари ва маълумотларидан фойдаланиб тайёргарлик олиб борадилар. Бу гуруҳ ўтказиладиган тадбирлар рўйхатига биноан ишлайди (1 таб).
Ижодий гурух магистрлари билан ўқитувчилар ўртасидаги биргаликда тузилган иттифоқ натижаси фанларнинг услубий кўрсатма тузилиши ва бу услубий кўрсатма ИПИ амалиёти бошланишидан илгари тасдиқланган бўлиши керак.
Ҳар бир магистрант танлаб олинган фан бўйича маърузалар, амалий, лаборатория машғулотларнинг бир неча қисмигагина тайёрланади, бу унга фаннинг шу қисминигина чуқурроқ тушунишига,ўзлаштиришга ёрдам беради. 4 соатлик маъруза албатта битта амалий ва лаборатория машғулотни билиб олишга кўмак беради. Шу билан бирга магистрант 4 соатлик маърузага тайёрланиш билан бир қаторда амалий ва лаборатория машғулотларга тайёрланиб боради. Натижада ўзлаштирилган материаллар 4 ўқув гуруҳларида амалий ва лаборатор машғулотларда олиб борилиб, шу фан бўйича тайёрланадиган илмий-услубий кўрсатмани ёзишда ёрдам беради.
Кафедранинг етакчи муаллимлари маърузаларида қатнашиш, магистрантга келажакда фойдалана оладиган педагогик тажриба, услуб ва касб маҳоратини олишига ёрдам беради. Маърузаларга чуқур ва мукаммал тайёрланган магистр, маърузаларни мустақил олиб бориши билан тез ва осон кўникмалар ҳосил қилади. Ўзининг фикрлаш доираси кенгайиб, шахсий фикрини аниқ, равон далилларга асосланган ҳолда, янада янги ахборотларни эшитувчиларга етказиб бера олади.
Амалий ва лаборатория дарсларни мустақил олиб бориш эса, таълим олувчиларнинг бирмунча камроқ сони билан шуғулланиб, уларнинг ҳар бирига индивидуал ёндашишга ўргатади. Бу эса талабларни тўғри қолипга солиш ва аниқ ечиш усулларини топишга олиб келади.
Магистрни мустақил тарзда дарсларни олиб бориши, бебаҳо сифат яъни бошланғич ташкилий-бошқариш кўникмаларига эга бўлишига ёрдам беради, булар:

• 
  қўйилган масала - мақсадни аниқ ва равон қўя олиш;
  
• 
  иш бажарувчилар гурухи ишини ташкил қилиш;
  
• 
  ҳар хил турдаги бошқарув масалалари бўйича қарор қабул қилиш;
  
• 
  масалани таҳлил қилиш.
  

Магистр ўзининг курсдошлари олиб борадиган дарсларда қатнашиши билан ўзининг фан ҳақидаги маълумотларни умумлаштиришга эришади.
Раҳбар томонидан ташкил қилинган умумий гурух фанларни ўргангандан кейин шу фанларнинг ўқув-услубий кўрсатмасини тайёрлашга кўмаклашиши керак. ИПИ амалиётининг ҳисоботи замонавий информацион технологиялардан фойдаланиб тайёрланмоғи ва келгусида масофавий, вертуал талимда қўлланмоғи ҳам мумкин.
Шундай қилиб, илмий-педагогик амалиётни ўтказиш афзалликлари:

• 
  Мухандислик ва гумманитар таълимни кенг миқёсда ўзлаштириш;
  
• 
  Ўз фикрини аниқ, чиройли тақдим этиш ва ҳолатга тўғри баҳо бериш;
  
• 
  Ҳар бир ходим, талабага шахсий ёндашиш, талабларни тўғри шаклга тушириш ва қўллаш;
  
• 
  Бошланғич ташкилий-бошқарув ўқув ва тажрибаларга эришиш.
  
• 
  берилган вариантларни тахлил қилиш асносида масала ёки муаммоларни ечишнинг кенгайтирилган вариантларини ишлаб чиқиш.
  
• 
  Масофавий ва виртуал ўқитишни яратиш ва тадбиқ этиш.