Ўзбекистон алоқа аҳборотлаштириш агентлиги

8. Назорат формалари ва усуллари

Амалиёт вақтида магистрант кундалик юритиши шарт (намуна 2-иловада келтирилган), у ерда қуйидаги маълумотлар бўлиши лозим:

• 
  адабиёт манбаларига ишора берган ҳолда, алоҳида масалаларни қайта ишлаш санаси;
  
• 
  олиб борилган ўқув машғулотларининг санаси ва гурух рақами;
  
• 
  кафедранинг етакчи ўқитувчиларининг маърузаларини эшитиш учун ташриф буюрилган сана ва маъруза мавзуси;
  
• 
  ўқув корпуси ва кафедрада олиб борилган навбатчилик саналари ва жойи;
  
• 
  университетда ва ўқув гурухларида олиб борилган маънавият ва маърифат тадбирларининг номи ва саналари;
  
• 
  янги педагогик технологияларни ўрганиш мақсадиди кутубхонага ташриф буюрилган саналар;
  
• 
  университетнинг илмий-услубий конференцияларида қатнашилган саналар;
  
• 
  мураббийлик тадбирларида кўрсатиладиган кўмакларнинг санаси;
  
• 
  кафедрада бажариладиган илмий ва ўқув-услубий ишларда қатнашиш санаси ва бошқалар.
  

Иш раҳбарлари мунтазам равишда кундаликдаги ёзувларни текшириб мос белги қўйишлари ҳамда ўтказилган амалиёт якуни асносида баҳо қўйишлари лозим. Иш тугагандан сўнг кундалик магистр бириктирилган раҳбар ва кафедра мудирига ҳавола этилади. Амалиёт кундалигидан ташқари магистрант тасдиқланган амалиёт дастури ва мустақил топшириқ асосида тузилган илмий-педагогик иши ҳисоботини ҳам ҳавола этиши лозим.
Олиб борилган амалиёт якунлари кафедранинг махсус комиссияси мажлисида тингланади ва ушбу комиссия илмий-педагогик иш натижаларини баҳолайди. Комиссиянинг ҳамма маълумотлари керакли деканатга топширилади.


9. Илмий-педагогик иши аттестацияси
Илмий-педагогик иши якуни бўйича аттестация иш раҳбари тақризи ва қўйилган талабларга мос равишда тайёрланган ёзма ҳисобот асосида ўтказилади. Амалиёт ҳисоботи бажарилган ишлар ва изланишларнинг самарадорлигини кўрсатувчи асосий хужжат бўлиб ўз ичига қуйидаги элементларни олиши лозим:

• 
  иловада келтирилган стандарт формадаги титул варағи;
  
• 
  раҳбар (ТАТУдан ёки бошқа ўқув муассасасидан) ва бажарувчининг фамилияси исми ва отасини исми;
  
• 
  иш раҳбари томонидан тасдиқланган амалиёт дастури;
  
• 
  ўтказилиши мўлжалланган тадбирларнинг ҳар бир бўлимга алоҳида келтирилган матн кўриниши;
  
• 
  график ва жадвал кўринишидаги материаллар (агар шундайлари бўлса);
  
• 
  таърифи ва изоҳи билан келтирилган махсус атамалар, белгилар ва қисқартмалар рўйхати (агар керак бўлса);
  
• 
  фойдаланилган адабиётлар рўйхати.
  

Ҳисобот тузилмаси дастури орқали аниқланади. Ҳисобот аниқ структуравий тузилиши, қўйилган материалларнинг мантиқий мосликда, аргументлар аниқ, қисқа ва лўнда тузилиши лозим.
Комиссия аттестация якунлари асосида баҳо қўяди.
1 илова
Титул варақнинг намунавий кўриниши