Ўзбекистан темир йўллари

СТРЕЛКАЛИ ПОСТЛАРНИНГ НАВБАТЧИЛАРИ ХИЗМАТ
КЎРСАТМАЙДИГАН СТАНЦИЯ ҲУДУДЛАРИДА МАНЕВР ИШЛАРИ


358. Манёвр локомотиви юк ҳудудлари, кўмир омборлари, вагон ёки локомотив деполари ва бошқа йўлларга кириш зарурияти туғилса, станция навбатчиси ёки поезд тузувчиси вагонларни қўйиш ёки чиқариш хақида ушбу ҳудудда ишларни бошқарувчиси билан аввалдан келишиб олиши керак.
Келишув тартиби станциянинг техникавий-бошқарув актида кўрсатилади.


359. Поезд тузувчиси стрелкаларга стрелкали постлар навбатчилари хизмат кўрсатмайдиган ҳудуд йўлларига манёвр таркибининг кириши олдидан йўл ва стрелкалар ҳолатини ўта синчковлик билан текшириб, ҳаракат учун тўсиқлар йўқлигига амин бўлиши керак.
Бундай ҳудудларда стрелкаларни ўтказиш поезд тузувчиси ёки станциянинг техникавий-бошқарув актида кўрсатилган бошқа ходим томонидан амалга оширилади.


360. Станция навбатчисининг рухсатисиз, станция йўлларига стрелкали пост навбатчилари томонидан хизмат кўрсатилмайдиган ҳудудлардаги манёвр локомотивлари ёки таркибларнинг чиқиши ман қилинади.
Манёвр локомотивларнинг бундай ҳудудлардан чиқиши станциянинг техникавий-бошқарув актида белгиланади.


12-боб. ОГОҲЛАНТИРИШЛАРНИ БЕРИШ ТАРТИБИ


361. ТФҚ нинг 263 бандига мувофиқ, поездларнинг йўналиш вақтида локомотив бригадаларининг алоҳида ҳушёрлигини таъминлаш ва уларни ишларни амалга ошириш хақида огоҳлантириш керак бўлган тақдирда поездларга ёзма огоҳлантиришлар топширилади.
Огоҳлантиришлар қуйидаги ҳолларда топширилади:
йўл, контакт тармоқ қурилмалари, переезд сигнализацияси, сунъий ва бошқа иншоотлар носозлигида, шунингдек, йўлда тўхташ ёки тезликни камайтиришни талаб қиладиган таъмир ва қурилиш ишларида;
сигнализация ва алоқа воситаларининг янги турларини фойдаланишга топширишда, шунингдек, янги светофорларни ёқишда, эскиларини кўчиришда ва бартараф қилишда, уларни ёпиқ ҳолатга келтириб бўлмайдиган носозликларда;