Ўзбекистан темир йўллари

АСОСИЙ ВА ҚАБУЛ ҚИЛИШ-ЖЎНАТИШ ЙЎЛЛАРИДА
АМАЛГА ОШИРИЛАДИГАН МАНЁВРЛАР
353. ТФҚ нинг 200 бандига мувофиқ, асосий йўлларда ёки уларни кесиб ўтиб, шунингдек, чиқиш стрелкаларидан ташқарида манёврлар бажариш, ҳар бир алоҳида ҳолатда манёврлар амалга оширилаётган йўллар ва стрелкаларни киришни тўсувчи тегишли кириш светофорларининг ёпиқ ҳолатида, станция навбатчисининг рухсати билан амалга оширилиши мумкин.
Станциянинг қабул қилиш-жўнатиш паркаларида маневрлар фақат станция навбатчиси тузувчи (бош кондуктор) га маневр ишига топшириқ берганда кўрсатган йўллар (стрелкалар) да амалга оширилиши мумкин.


354. ТФҚ нинг 200 бандига мувофиқ, поездлар диспетчери ва қўшни станция навбатчисининг розилигисиз ва машинистга берилган тегишли рухсатномасиз таркибни станция чегарасидан перегонлардаги бир йўлли ва нотўғри йўлдан икки йўлли участкаларга чиқиб манёвр қилиши тақиқланади. Таркибни станция чегарасидан тўғри йўл бўйлаб икки йўлли участкаларга чиқиб манёврлар қилишига, поезд диспетчерининг розилиги билан, станция навбатчисининг оғзаки рухсати бўйича рухсат этилади.
Бир йўллик перегонларда маневр таркибининг станция чегарасидан чиқиши учун қуйидагилар рухсат бўлиб хизмат қилади:
а) автоматик блокировкада - тегишли чиқиш светофори очилганидан сўнг маневр локомотиви машинистига топшириладиган жезл-калит. Очиқ чиқиш светофори ва жезл-калит бўйича маневр таркиби биринчи бор станция ташқарисига чиққанидан сўнг перегонга такрорий чиқишлар, машинистда жезл-калит мавжудлигида чиқиш светофорини очмасдан амалга оширилади.
Йўл светофорлари билан боғланган махсус маневр светофорларига эга автоматик блокировка билан жиҳозланган станцияларда маневр таркибининг станция чегарасидан ташқарига чиқиши ушбу маневр светофорининг рухсат кўрсатмасига асосан амалга оширилади.
Жезл-калит ёки махсус маневр светофори бўлмаганда станция чегарасидан чиқиладиган маневрлар учун маневр локомотивининг машинистига йўл хати (қоғози) тақдим этилади;
б) ярим автоматик блокировкада - ушбу перегоннинг калит-жезли, унинг йўқлигида – йўл хати (коғози);
в) электр жезл тизимида - ушбу перегоннинг жезли ёки калит-жезли;
г) телефон алоқасида – йўл хати (қоғози).


355. Бир йўллик перегонларда машинистга йўл хати (қоғози) тақдим этилиб манёвр таркибининг станция чегарасидан чиқиши барча ҳолатларда фақат поездлар ҳаракатида сигнализация ва алоқа асосий воситаларининг амал қилишини тўхтатмасдан перегонни чегараловчи иккала станцияга бир пайтнинг ўзида узатиладиган поезд диспетчерининг рухсати бўйича амалга оширилади.
Бундай рухсатни олганларидан сўнг станция навбатчилари қуйидаги мазмундаги телефонограммалар билан алмашадилар: