Ózbekistan respublikasi awil xojaliği ministrligi b. Yo. Toxtaev, E. T. Ахmеdоv, V. T. Qaysarov DÁrilik ósimlikler introdukciyasi

5. Florogenetik usılı (Kormilitsin, 1959 ; Sobolevskaya, 1953).Usı usıl tábiyiy flora quramın túrli dárejede úyreniw jáne onıń potentsial múmkinshiliklerin anıqlawǵa tiykarlanadı.
6. Introduktsion shıdamlılıqtı anıqlawǵa tiykarlanǵan usıl (Trulevich, 1991; Tuxtaev, 2009) usıl. Bul metod ósimlik túrleri tábiyiy ekologo-fitotsenotik sharayattaǵı tiykarǵı ekologiyalıq, biologiyalıq hám fitotsenotik táreplerin esapqa alıwdı usınıs etedi.
7. Ósimlikler reproduktivlik strategiyaların analiz qılıw usılı (Guseynova, 2011; Karshibaev, 2020). Usıl ósimlik tu’rinin’ reproduktivlik strategiyasın belgileytuǵın morfo-biologiyalıq integrallasqan kórsetkishlerin anıqlastırıw arqalı tu’rdin’ jańa sharayatqa iykemlese alıwın aldınan boljaw hám de introdutsentlardi tuwrı tańlap alıw imkaniyatın beredi.
Ósimlikler introduktsiyasini ámelge asırıwda introduktor alım aldına qoyılǵan maqset hám wazıypalardan kelip shıqqan halda joqarıda belgilep ótilgen usıllardan biri yamasa bir neshe usılların tańlap alıp islewi múmkin.
Dárilik ósimlikler introduktsiyasi ushın baslanǵısh material bolıp tańlap alınǵan introdutsent ósimliklerdiń tuqimi, vegetativ organı yamasa tiri ósimliktiń ózi xızmet etedi. Tan’lanǵan introduktsiya obektleri (ósimlik) tuqimları basqa Botanika baǵlarınan tuqim almastırıw arqalı alınıwı yamasa introduktor ta’repinen ósimlik túri tarqalǵan aymaqlardan teriliwi múmkin.
Introduktsiya faktorları (tábiyiyhám antropogen)- Introduktsiya sharayatınıń tábiyiy (ıqlım, relief, geologik, gidrogeologiyalıq, topıraq, tábiyiy ósimlik qaplamlari, samal, haywanat du’nyasi) faktorları.
Introduktsiya basqıshları:
1. Ósimlik túrleriniń tábiyiy sharayatları hám areallarin úyreniw hám de olardı biologiyasi hám ekologiyasın anıqlaw.
2. Introduktsiya usılların (usılların ) islep shıǵıw.
3. Shet el, florasına tiyisli hám joǵalıp hám de azayıp baratirg’an jergilikli perspektivalı dárilik ósimlik túrlerin jańa sharayatlarǵa introduktsiya qılıw, kóbeytiw hám olardı materiallıq halda jetistiriw4.
4. Ózbekstan florasına tiyisli, joǵalıp hám azayıp baratırǵan dárilik ósimliklerdi tábiyiy sharayatlarǵa (reintroduktsiya) qaytarıw hám tábiyiy populyatsiyani qayta tiklew.