Ózbekistan respublikasí joqarí HÁm orta arnawlí bilimlendiriw ministrligi

Kapitalistlik manufaktura. Manufakturalardıń payda bolıwınıń sebepleri. Islep shıǵarıw kúshleriniń rawajlanıwı tiykarınan socialıq miynet bólistiriw arqalı júz berdi. XVI ásirde ónermentshiliktiń 100 den artıq túri bar bolsa, XVIII ásirde olardıń sanı 250 ge jetti. Bir ǵana toqımashılıktıń ózinde 20 dan artıq qánigelikler payda boldı. Tez pát penen rawajlanıw orta ásir cexshılıq dástúrlerine iye bolǵan tarawlar, texnikalıq hám mádeniy tárepten eń ahimiyetli jańalıqlardan bolǵan Yoggan Gutenbergtiń kitap basıp shıǵarıw usılında (1445-jıl) hámde shiyshe, sabın, ayna hám tawarlar islep shıǵarıwında gúzetildi. Sol wakıtta teńiz sawdasınıń rawajlanıwı, okean artı xalqı ósip artıwı, jańa dún`yadan altın hám gumis aǵımınıń keliwi aqıbetinde Evropada ónermentshilik tovarlarına talap artıp bardı.

Tovarlarǵa bolǵan talaptıń ósip barıwın qanaatlandırıw ushın úlken kólemdegi kárxanalar qurıw zárúr boldı. Biraq ustaxana úlken kishiligi, onda islep atırǵan usta shákirtler sanı, tovarlardıń sanı, sıpatı cex nızamlarında katań belgilep koyılǵan edi. XVII ásirge kelip bul sheklewler sanaat rawajlanıwına tosqınlıq etti.Úlken kárxanalar shólkemlestiriw zárúrligi jıldan jılǵa ósip bardı. Usınday etip, jańa tiptegi kárxanalar manufakturalar payda bola basladı. Bul kárxanalardan endi jańasha miynet bólistiriw jolǵa qoyılǵan bolıp olarda jallanba jumısshılar miynet etken. Tovarlar elede qolda tayarlanatuǵın edi. Manufaktura latın tilinen awdarmalanǵanda qolda jasalǵan buyım degen maǵananı bildiredi.