Ózbekistan respublikasí joqarí HÁm orta arnawlí bilimlendiriw ministrligi

Amerika revolyuciyası.ǵárezsizlik ushın gúres AQShtıń payda bolıwı.

Ǵárezsizlik ushın gúres sebepleri. Ullı Britaniya koroli, aqsúyekler hám isbilermenler koloniyalardan alınatuǵın paydanı kóbeytiwge háreket etti. 1760-jılı koloniyalardıń jámi xalqı bir yarım million adamnan asıp, 1700-jıldan berli altı esege ósti. 1763-jılǵı korol Deklaraciyasına muwapıq Allegen tawları, Florida, Missisipi dár`yası hám Kvebeg arasındaǵı batıs aymaqlarǵa koloniyalardıń jaylasıwı qadaǵan etildi. Sol tiykarda batıs tárepke jıljıwdı toqtatıwǵa urındı. Ullıbritaniyaǵa baǵınbaǵan aymaqlardan importqa qadaǵan etiwshi bajı yaki salıqtı kirgizgen.

1764-jılı, parlament «Joqarı mártebeli imkaniyatında shıǵarılǵan qaǵaz pullardıń nızamlı tólewge aylandırıwdıń aldın alıw ushın» valyuta nızamın kirgizdi. Korol áskerlerin azıq awqat hám turaq jay menen támiyinlewdi talap etken 1765-jılǵı jaylastırıw nızamıda kóship kelgenlerde unamsız kóz qarastı payda etti. Bul is-ilajlar narazılıq háreketin keltirip shıǵardı. Arqa Amerika qalaları boylap «Wákilliksiz salıq joq» degen uran astında xalıq jıyınları bolıp ótti. Koloniyashılar ádalatlı talap qoyıp, olardıń wákilleri Angliya parlamentine dawıs beriw huqıqına iye bolsa ǵana salıqlardı tólewlerin ayttı. 1765-jılı birinshi revolyuciyalıq shólkem- «Azatlıq perzentleri payda boldı». Ol koloniyalarda kúsheygen Angliya tovarların baykot qılıw háreketin amelde basqarıp turdı. 1773-jılı 16-dekabr`de Samuil Adams basshılıǵında bir topar radikallar portta turǵan Angliya kemelerine hújim qıldı hám salıqqa tartılatuǵın úsh Angliya kemesindegi shay oramların kemelerden suwǵa tasladı. Bul waqiya «Boston chayxorlıǵı» degen at aldı. Buǵan juwap retinde Britaniya chay waqıyasın qorqınıshlı jaǵday dep qaraladı hám shóktirilgen chaydıń haqı tólenbegenshe Boston portın jawıp qoydı. Britaniya parlamentti buǵan juwap retinde sonday nızamlar qabıl etti, koloniyashılar olardı «Májbúriy yaki shıdap bolmaytuǵın nızamlar» dep qabıl etti.