Ózbekistan respublikasí joqarí HÁm orta arnawlí bilimlendiriw ministrligi

Ekonomikalıq rawajlanıwı. Islep shıǵarıwshı kushlerdiń hálsizligi Pol`shada barshchinanıń ósiwine alıp keldi. XVIII-ásirdiń I-yarımınan polyak qalalarınıń agrarlasıw processi baslandı. Biraq toqtayasız dawam etken urıslar Pol`sha ekonomikasın putkilley izden shıǵardı. Tek ǵana XVIII –ásirdiń II-yarımına kelip, ekonomikalıq kapitalistlik qatnasıqlardıń kirip keliwi nátiyjesinde janlanıw júz berdi. Jallanba miynetke tayanǵan manufakturalar barǵan sayın salmaqlı orın iyeley basladı. Awıl menen qala hám túrli jerler ortasındaǵı ekonomikalıq qatnasıqlar kusheyiwi Pol`shada ulıwma milliy bazar qáliplesiwine alıp keldi. Bir topar magnatlar hám chlyaxta jerlerine islew beriudiń rawajlanǵan usılların qollaw, awıl xojalıq úskenelerin satıp alıw, jallanba miynetti qollaw esabına rawajlanıp atırǵan kapitalistlik qatnasıqlarǵa maslasıw ushın háreket qıldı. Ekonomikanıń janlanıwı hám mámlekette xojalıqtıń tikleniwi xalıqtıń jetekshi wákilleri ortasında qalaq mámleket dúzimlerin reforma qılıw hám sol arqalı Pol`shanı oǵan qáwip salıp atırǵan qáwiplerden saqlap qalıw xaqqındaǵı ideyalardı payda etti. Biraq XVIII-ásir hám feodal-krepostnoylıq dúzim óz kúshin saqlap qaldı. Tek ǵana 1768-jılı feodallar óz diyxanlarına qarata ólim jazasın qollaw huqıqıqınan ayrıldı.

XVIII-ásir 60-80-jıllarında qalalar hám islep shıǵarıwshılardıń rawajlanıwı baslandı, qatar manufakturalar payda boldı. Ásirese toqımashılıq óndirisi, ayna islep shıǵarıw, bezeniw buyımları islewde sezilerli ósiw juz berdi, bankler hám kredit mekemeleri payda boldı.