Ózbekistan respublikasí joqarí HÁm orta arnawlí bilimlendiriw ministrligi

Urıstıń baslanıwı. 1774-jılı 5-sentyabr` kúni Filadel`fiyada Birinshi Kontinental Kongress jıynaldı. Onda Jorjiyadan tısqarı bárshe koloniyalardan eliw bes wákil qatnastı. Kongress Ullıbritaniyanıń siyasatın qaraladı. Onda bir qatar qararlar qabıl etildi. Kongress tárepinen járiyalanǵan eń áhmiyetli is «Kontinental birlespeniń shólkemlestiriliwi bolıp, onda sawda satıq baykotın qayta tiklew, bajıxana deklaraciyasın qadaǵalawshı komitetler dizimin jaratıw, shártnamalardı buzǵan brokerlerdiń mal múlklerin alıp qoyıw, ekonomika hám sanaattı rawajlandırıwshı háreketlerdi támiyinledi. Britaniya koroli kóp sanlı kelisimge keliw usınısın bildirdi, biraq korol Georg III kelisimge kelmedi.

1774-jıldıń sentyabrinde Filadel`fiya kvakerleriniń xatın nazer pisent qılmay ol bılay juwap berdi. «Endi táǵdir oyınınan kóriń! koloniyalar ya boysınıwı lazım ya jeńiske erisiwi lazım». Qurallı gúres 1775-jılı 19-aprel`de baslandı. Boston garnizonına basshılıq etip atırǵan General Tomas Teyg Konkord qalasındaǵı jasırın qural skladın joq qılıw hám kóterilisshilerdiń basshıların qolǵa alıw ushın bul jerde 700 adamnan ibarat Britaniya otryadın jiberdi. Angliya otryadı Leksinkton awılına kirip kelgeninde jergilikli bir minutshılar otryadın kórdi. Olar jámi 70 adam edi. Britaniya áskerleriniń basshısı mayor Jon Pikkern «Tarqalıń, kóterilisshiler» «Hey iytler qashıń» dep baqıradı. Bir minutshılardıń basshısı kapitan Jon Parker óz áskerlerine birinshi bolıp oq atpawdı tayınladı. Amerikalılar tarqala baslaǵanında kimdur oq atıp, britaniyalı bir áskerdi jaradar qıldı. Anglichanlar mıltıqlardan oq atıwdı basladı, nátiyjede koloniyashılardan on adam jaradar boldı hám segiz adam óldi.

Angliya soldatları Konkordqa kirdi hám qural saqlaytuǵın orındı iyeledi. Leksinktondaǵı waqıyalar pútkil okrugqa tarqaldı hám korol otryadına hújim shólkemlestirdi. Bul urısta kolorniyashılar birinshi márte «tarqalǵan qatar» taktikasın qollandı. Korol otryadı 223 adamdı joǵaltıp, arqaǵa qaytıwǵa májbúr boldı. Amerikalılar bolsa 93 adamınan ayrıldı. Amerika ǵárezsizligi ushın gúres áne usılay baslandı. 1775- jıl 10-may kúni Pensil`vaniyanıń Filadel`fiya qalasında ekinshi Kontinental Kongress bolıp ótti. 15-mayda Kongress urıs baslawǵa dawıs berip, koloniya xalıq áskerlerin rásmiy kontinental xızmetke ótkerdi hám virjiniyalı polkovnik Jorj Vashingtondı ( 1732-1799 ) Amerika qurallı kúshleriniń Bas Komandiri etip tayınladı. Ol hinduler hám francuzlarǵa qarsı áskeriy atlanıslarǵa qatnasqan, qábiletli áskeriy baslıq sıpatında belgili edi. Ekinshiden ol bay edi, jumıs barısında áwmetli, qarar qabıl etiwde erkin edi.

R
Jorj Vashington
espublikashılıq keypiyatı xalıqtıń túrli qatlamların qamtıp aldı. Metropoliyadan ajıralıwǵa shaqırıwshı ádebiyatlar payda boldı.