Zaytun yetishtirish texnologiyasi kirish. Zaytunning foydali xususiyatlari. Asosiy qism

Zaytun bog'i
Ko'chatlarni ekishda kamida ikkita yoki uchta nav birga ekiladi. Har bir nav alohida to'rt qatorga ekiladi va yana navbatlashadi. Dalada faqat bir nav ekilganida o'simlikning changlanishi yuqori darajada bo'lmaydi, shuning uchun, boshqa bir navni changlatuvchi nav sifatida qo'shib ekish zarur. Changlatuvchi nav ekishning bir nechta usuli bor:
1. Asosiy navdan 8 ta daraxtni ekib keyin changlatuvchi navdan bir daraxtni o'sha qatorga bir muddatda birga ekiladi (Bu erda doimo navlarning gullash vaqtlarini eъtiborga olgan holda navlar tanlanadi).
2. Asosiy navga oid ko'chatlar 4 qator ekiladi. So'ngra changlatuvchi navdan bir qator ekiladi. So'ng 8 qator asosiy zaytun navi keyin bir qator changlatuvchi nav daraxti ekiladi va h. k.

3. Changlatuvchi nav plantatsiyalari katta bo'lsa, 12 qator asosiy navdan keyin 3 qatorli qilib ekiladi.

Ekish chuqurchalari eniga 50 sm, chuquri 60 sm qilib tayyorlanadi, ko'chat ekishdan oldin har bir chuqurchaga 1-2 idish begona o'tlar urug'laridan bo'lmagan yaxshi chiritilgan mahalliy o'g'it eritmasi solinadi. So'ngra quyidagi mineral o'g'itlar qo'shiladi. 1 kg super fosfat, sul`fat kaliy 1 kg yoki ekishdan oldin chuqurlarga bir osh qoshiq ammiak selitrasini bir litr suvda eritib solinadi.

Kimyoviy o'g'itlar quruq holida berilganda tuproq bilan birga yaxshilab aralashtiriladi. Bu narsa odatda ko'chatlarni ekishdan 1-2 oy avval amalga oshiriladi. Suyuq holda berilganda to'g'ridan-to'g'ri ekishdan oldin bajariladi. Chuqurchalar ekishdan ilgari bir necha bor suv quyilib yaxshilab namga to'yintiriladi. Imkon boricha mahalliy o'g'itlarni tuproqqa solish lozim.

Ko'chatlarni ekish 1. Ko'chatlar sentyabr` va oktyabr` oylaridan keyin martning boshidan mayning oxiriga qadar ekiladi. Ekishdan oldin ko'chat ildizlarining munosib balandlikda bo'lishiga rioya qilinadi. Ko'chatning ildizi har qanday begona o'tlar yoki kasalliklardan xoli sog'lom tuproqda 35 sm balandlikda joylashgan bo'ladi. Chuqurlar ko'chat ekishdan 1 kun oldin sug'orilmaydi.