Zaxiriddin muhammad bobur nomidagi andijon davlat universiteti

BAKTERIAL O’G’ITLAR
Nitragin. Tuproqdagi mikrobiologik protsesslarga va mikroblarga bakteriologik o’g’itlar kuchli ta’sir ko’rsatadigan faktorlardan biri hisoblanadi. Bakterial o’g’itlar xilma-xil bo’ladi: nitragin, azotobakterin, fosfobakterin, AMB va boshqalar. Turli dukkakdosh o’simliklarning urug’iga ekishdan oldin nitragin bilan ishlov berilsa (1ga yerga ekiladigan urug’ uchun 5-10 g nitragin kerak), ularning xosili o’rta hisobda 10-15% yuqori bo’ladi.
Nitragin ta’sirini quyidagi jadval ma’lumotlaridan ko’rish mumkin (11-jadval).
Nitragin tarkibida aktiv tuganak bakteriyalari bo’ladi, ular ko’plab atmosfera azoti to’playdi va xosilni oshiradi. SHuningdek, xosilning sifati ham yaxshilanadi, ya’ni ko’p miqdorda oqsil, aminokislotalar va V gruppaga mansub vitaminlar sintezlanadi.
Nitragin turli shaklda: torfli aralashma, tuproqli aralashma, agarli aralashma va suyuq xolda ishlab chiqariladi. SHulardan eng ko’p ishlatiladigani torfli aralashma bo’lib, bu aralashmadan AQSH, Avstraliya, Yangi Zelandiya, Kanada, Xindistonda va boshqa Yevropa mamlakatlarida keng ravishda foydalaniladi. Rossiyada ko’proq nitraginning tuproqli aralashmasi ishlatilar edi, uning 1 grammida (mayda urug’li o’simliklar uchun) 3 dan 6 milliardgacha, (yirik o’simliklar uchun) 1,5-3 milliardgacha bakteriya bo’ladi.

11- j a d v a l

No’xat urug’iga nitraginning ta’siri
(P.A.Genkelь va A.G.Silinlar ma’lumoti)

Variantlar	Xosil (don)		Bir tup o’simlikdagi (gullash davridagi) tuganaklar soni
	(%)	(g)
Kontrol	2,6	100	103
RK	3,3	128	357
RK+nitragin	7,2	278	551
PKN	7,9	305	230