Зарифахон Маматқулова Улуғбек Пўлатов

ЎТИБДЎларга кичик бир тавсия: 
Мактабдаги 100% ўқитувчини «конспектни энди қўлёзма ёзасан» деб мажбурламанг!!! 
Агар конспектларни қўл ёзма қилишга кўрсатма олган бўлсангиз ўқитувчиларни бирма-бир 
алоҳида тарзда бир неча гувоҳлар олдида компьютерда дарс ишланма тайёрлаб, принтердан 
ўзлари мустақил равишда чиқариб беришларини талаб қилинг. Синовдан ўтган ўқитувчи 
бемалол конспектни электрон шаклда юритаверсин. 
Ҳа айтганча, комиссия келиб нега конспектни электрон шаклда юритишга рухсат 
бердингиз деб сизни ноқулай ҳолга солмаслиги учун ёнингизда Халқ таълими вазирлигининг
«Дарс — муқаддас» номли тавсиясини ҳамда вазирликнинг 2018 йил 27 июлдаги 9 мҳ-сонли 
қўшма қарори билан тасдиқланган “Умумий ўрта таълим муассасаларининг педагогик 
мутахасисликлари бўйича намунавий иш режасини шакллантириш тўғрисидаги 
йўриқнома”сини олиб юринг. 
МАЪНАВИЙ-МАЪРИФИЙ ИШЛАР БЎЙИЧА ДИРЕКТОР ЎРИНБОСАРИНИНГ ҲАМ 
ФАН ЎҚИТУВЧИЛАРИДЕК МЕТОДИК КУНЛАРИ МАВЖУДМИ? 
#Савол 
ММИБДЎнинг ҳам фан ўқитувчиларидек методик кунлари мавжудми? 
#Жавоб 
Методик кун педагог ходим ўзининг сиёсий, илмий-назарий ҳамда маданий савиясини ва 
педагогик маҳоратини мунтазам ошириши учун белгиланди. Умумтаълим муассасаларида 

---

209 
Халқ таълими вазирлигннинг 2006 йил 20 сентябрдаги 229-сонли буйруғига асосан методик 
кунлар белгилаб берилган бўлиб,
🔸
Душанба — математика, физика, информатика 
🔸
Сешанба — ЧЁТ, ўзбек тили, рус тили, она тили ва адбиёт 
🔸
Чоршанба — география, кимё, биология 
🔸
Пайшанба — мусиқа, технология, тасвирий санъат ва чизмачилик, тарих, миллий истиқлол 
ғояси ва маънавият асослари туркумига кирувчи фанлар 
🔸
Жума — хорижий тиллар (инглиз, немис, француз тили), жисмоний тарбия фани 
ўқитувчиларининг методик кунлари ҳисобланади. 
Ўқув-тарбиявий ишлар бўйича директор ўринбосарлари, маънавий-маърифий ишлар 
бўйича директор ўринбосари, психолог, кутубхоначи, ёшлар етакчиси ва бошқа ходимларнинг 
методик кунлари мавжуд шароитдан келиб чиққан ҳолда белгиланади. Умумий ўрта таълим 
мактаблари ўқитувчилари ҳамда директор ўринбосарлари методик кунларида дарс жадвалига 
дарс қўйилмайди. 
Умумий ўрта таълим мактаблари ўқитувчилари ҳамда директор ўринбосарларининг 
методик кунларининг иш юкламасини белгилаш ва тақсимотини амалга оширш қуйидаги 
ҳужжатлар асосида амалга оширилади: 
✅
мактаб директори ўринбосари ва ўкитувчининг йиллик иш юкламасининг ойлар бўйича 
тақсимоти; 
✅
мактаб директори ўринбосари ва ўқитувчининг ўз устида ишлаш режаси; 
✅
умумий ўрта таълим мактабларининг иш режалари; 
Умумий ўрта таълим мактаблари ўқитувчилари ҳамда директор ўринбосарларининг 
методик кунлари 1548 соат, директор ўрибосарлари 1720 соат иш юкламаси таркибидан 160 
соат (ҳафтасига 4 соат) белгиланиб қуйидаги ишлар амалга оширилади: 
✅
кутубхонада ишлаш; 
дарсга тайёргарлик кўриш дарс ишланмалар ёзиш; 
✅
илғор технологиядан фойдаланиб, дарс ўтаётган ўқитувчиларнинг дарсини кузатиш; 
✅
семинар ва семинар-ўқишларда қатнашиш;
Умумий ўрта таълим мактаблари ўқитувчилари ҳамда директор ўринбосарлари методик 
кунларида бажарадиган ишлари бўйича ўз устида ишлаш режасини тузадилар. Бу режа мактаб 
директори томонидан тасдиқланади. Иш режанинг бажарилишини назорат қилиш учун бир 
нусхаси мактаб директорида сакданади. Режанинг бажарилиши ва билимини қай даражада 
оширилганлиги юзасидан ҳисоботлар, фанлар бўйича метод-бирлашмаларда, методик 
кенгашларда ва директор қошидаги ишлаб чиқариш йиғилишларида эшитилиб борилиши 
лозим.