Зарифахон Маматқулова Улуғбек Пўлатов

С.Мирзарахимова 
Фарғона вилояти Қувасой шаҳар халқ 
таълими бўлимига қарашли 2-умумий ўрта 
таълим 
мактаби 
маънавий-маърифий 
ишлар бўйича директор ўринбосари 

---

4 
М У Н Д А Р И Ж А 
 
 
 
 
 
 
 
Кириш…………………………..………………………………................…………………......…….5 
Директор ўринбосари фаолиятини ташкил этиш тўғрисида низом………………….....................6 
Маънавият ва маърифат хонасини ташкил этиш бўйича йўриқнома……….......………………..12 
Маънавий-маърифий ишлар бўйича директор ўринбосарининг номенклатура юритиш 
йўриқномаси ……………….................................................……...……………………………........14 
Директор ўринбосарининг иш режаси……………………......………………….......................…..20 
Бешта муҳим ташаббус………...……………………………......…………………..….....................33 
Байрам тадбирлари юзасидан амалга ошириладиган ишлар…......……………….........………....41 
Ҳуқуқбузарликлар профилактикаси бўйича амалга ошириладиган ишлар..........……………….83 
“Оила-маҳалла-таълим муассасаси” ҳамкорлиги ..................……………………......………......112 
Маънавий-маърифий ишлар самарадорлиги ПҚ-3160...………..………………......…………....124 
Нишонланадиган муҳим тарихий саналар…..................…………………………........….…..…..131 
Синф раҳбари тўғрисида низом........................................................................................................132 
Мобил телефонлардан фойдаланиш тартиби..................................................................................139 
Одоб-ахлоқ қоидалари.......................................................................................................................145 
Ички тартиб қоидалар………………………………………....................................…........………154 
Ўқувчилар давоматини юритиш тартиби ……………………....……………………….......……163 
Йил номланиши юзасидан амалга ошириладиган ишлар.....…………………………......……...169 
Ёшларга оид Давлат сиёсати.....………………………………………………………......…...…...172 
Тўгараклар фаолиятини тартибга солиш………………………………………………......……...180 
Ёзги таътил………………………………………………………………….................................….183 
Кўп бериладиган саволлар…...…………………………………..………………...……......….….199 
Таълимга оид норматив-ҳуқуқий ҳужжатлар рўйхати …...............……………..…….................211 

---

5 
КИРИШ 
Ҳозирги кунда ёшларни ҳар томонлама баркамол авлод этиб тарбиялаш давлат 
сиёсатининг энг устувор йўналишларидан бири этиб белгилаб олинди ва маънавий-
маърифий соҳа йўналишида бир қанча сезиларли ишлар амалга оширилмоқда. Ўзбекистон 
Республикаси Президентининг 2017 йил 27 июлдаги “Маънавий маърифий ишлар 
самарадорлигини ошириш ва соҳани ривожлантиришни янги босқичга кўтариш 
тўғрисида»ги 3160-сонли қарори, 2019 йил 3 майдаги “Маънавий-маърифий ишлар 
самарадорлигини ошириш бўйича қўшимча чора-тадбирлар тўғрисида”ги 4307-сонли қарори 
ҳамда Вазирлар Маҳкамасининг 2019 йил 31 декабрдаги “Узлуксиз маънавий тарбия 
концепциясини тасдиқлаш ва уни амалга ошириш чора-тадбирлари тўғрисида” 1058-сонли 
қарори қабул қилинганлиги бунинг яққол исботидир. 
Умумтаълим мактабларда ҳам маънавий-маърифий ишларни тизимли ташкил этиш, бу 
борада амалга оширилаётган чора-тадбирларнинг самарадорлигини ошириш, ўқувчи-
ёшларнинг интеллектуал салоҳияти, онгу тафаккури ва дунёқарашини юксалтириш, 
мафкуравий иммунитетини мустаҳкамлаш, ватанпарварлик, халққа муҳаббат ва садоқат 
туйғуси билан яшайдиган баркамол авлодни тарбиялашда маънавий-маърифий ишлар бўйича 
директор ўринбосарларининг ўрни катта.
Ушбу услубий қўлланма умумий ўрта таълим муассасаларининг маънавий-маърифий 
ишлар бўйича директор ўринбосарлари фаолият самарадорлигини ошириш ҳамда меъёрий-
ҳуқуқий ҳужжатларнинг мазмун-моҳиятини етказиш, номенклатура ҳужжатларини тўғри 
юритишларини таъминлаш мақсадида Ўзбекистон Республикаси Халқ таълими вазирининг 
2019 йил 29 августдаги 282-сонли буйруғи билан тасдиқланган “Умумий ўрта таълим 
муассасасининг маънавий-маърифий ишлар бўйича директор ўринбосари фаолиятини 
ташкил этиш тўғрисидаги” Низом мазмунидан келиб чиққан ҳолда тузилган бўлиб, у 
замонавий талаблар асосида директор ўринбосарлари билими ва малакасини янада ошириш 
жараёнларининг мазмунини такомиллаштириш ҳамда уларнинг касбий компетентлигини 
оширишни назарда тутади.
Услубий қўлланма мазмуни Ўзбекистон Республикасининг таълим-тарбия соҳасидаги 
давлат сиёсати, таълим-тарбия жараёнини ташкил этишнинг ҳуқуқий-меъёрий ҳужжатлари, 
раҳбарлик маҳорати ва бошқариш психологияси, бошқарувда ахборот-коммуникация 
технологияларини қўллаш, таълимдаги инновацион ёндашувлар, таълим муассасасида 
маънавий-маърифий ишларини ташкил этиш ва бошқариш йўлларини ўз ичига олади ва улар 
бўйича тегишли янги билим, кўникма, малака ва компетенцияларни шакллантиришга 
йўналтирилган. Услубий қўлланмада маънавий-маърифий ишлар бўйича директор 
ўринбосарининг номенклатура юритиш йўриқномаси ҳам жой олган бўлиб, йўриқномада 
келтирилган ҳужжатлар Фарғона вилояти Қўштепа тумани халқ таълими бўлимига қарашли 
21-умумий ўрта таълим мактаби маънавий-маърифий ишлар бўйича директор ўринбосари 
Улуғбек Пўлатовнинг иш юритиш ҳужжатларидан намуна сифатида олинган бўлиб, ушбу 
ҳужжатлар телеграм ижтимоий тармоғида ташкил этилган “@dokument_zamdirektor” 
каналида ҳам бериб борилади.
Мазкур услубий қўлланма маънавий-маърифий ишлар бўйича директор ўринбосарлари 
учун ҳужжатлар билан ишлаш, номенклатура ҳужжатларини тўғри юритиш ҳамда уларнинг 
сиёсий-ҳуқуқий саводхонлигини оширишга амалий ёрдам беришига умид қиламиз.