Зарифахон Маматқулова Улуғбек Пўлатов

МАКТАБДА ММИБДЎ ВАЗИФАСИДА ИШЛАЙМАН. ЯНГИ 823-СОНЛИ ҚАРОР 
БЎЙИЧА МЕН ҲАМ РАҒБАТЛАНТИРИШ, УСТАМА ОЛИШИМ МУМКИНМИ?
АГАР МУМКИН БЎЛСА НЕЧА ФОИЗ ОЛАМАН? 
#Савол 
Мактабда ММИБДЎ вазифасида ишлайман. Янги 823-сонли қарор бўйича мен ҳам 
рағбатлантириш, устама олишим мумкинми? Агар мумкин бўлса неча фоиз оламан? 
#Жавоб 
823-сонли қарор бўйича ММИБДЎ устама олиши белгиланмаган. ММИБДЎ ва ЎТИБДЎга 20 
фоизли устама белгиланиши мумкин. Фақат бу қарор лойиҳаси бўлиб, ҳали тасдиқланмаган. 
Тасдиқланса умумтаълим муассасасида ўқув-тарбия жараёни сифатини янада яхшилаш, 
ўқитувчиларга ўз вақтида методик ёрдамни ташкил этишдаги фаоллиги учун комиссиянинг 
қарори билан мактаб директорининг ўқув-тарбия ҳамда маънавий-маърифий ишлар бўйича 
ўринбосарларлари 20 фоиз устама олишлари мумкин.
Шунингдек, ММИБДЎга 30 фоизли устама белгиланиши ҳам мумкин. Бу 2019 йил 8 
январь куни “Ўзбекистон Республикаси норматив-ҳуқуқий ҳужжатлар лойихалари 
муҳокамаси” порталига жойлаштирилган “Халқ таълими тизимидаги оммавий ахборот 
воситалари ролини янада ошириш тўғрисида”ги ID-1778-сонли қарор лойиҳаси бўлиб, 
умумтаълим муассасасида маънавий-маърифий ишлар бўйича директори ўринбосарига 
«Мактаб матбуот котиби» вазифаси юклатилишини назарда тутади. «Мактаб матбуот котиби» 
вазифасини самарали ва сифатли бажаргани учун маънавий-маърифий ишлар бўйича директор 
ўринбосарига ойлик базавий тариф ставкасига нисбатан 30 фоизгача миқдорда устамалар 
белгиланиши мумкин. Ҳозирча ушбу қарор ҳам тасдиқланмаган. 
ФАН ЎҚИТУВЧИЛАРИ ҲАФТАДА НЕЧА СОАТ ТЎГАРАК ЎТИШИ КЕРАК? 
#Жавоб 
Халқ таълими Вазирлигининг 2011 йил 4 июлдаги “Мактабларда ташкил этиладиган 
тўгараклар ўқув дастурларини тасдиқлаш тўғрисида”ги 143-сонли буйруғига асосан 
тўгараклар фан ўқитувчилари томонидан 1 ставка иш юкламаси учун хафтасига 2 соат (1 соат 
“Паст ўзлаштирувчи ўқувчилар” учун, 1 соат “Иқтидорли ўқувчилар” учун) ўтилиши белгилаб 
қўйилган. Шунингдек, Халқ таълими вазирининг 2017 йил 1 декабрдаги “Умумий ўрта таълим 
муассасаларида таълим-тарбия натижадорлигини таъминлашда халқ таълими бошқарув 
идоралари ва таълим муассасалари раҳбарлари масъулиятини ошириш тўғрисида”ги 367-сонли 
буйруғининг 7 бандида ҳам барча фан ўқитувчилари томонидан (педагогик юкламасига 
мувофиқ ўқувчилар билан индивидуал ишлаш ҳисобидан) ҳафтасига 2 маротаба 2 соатдан фан 
тўгараклари ўтилиши лозимлиги кўрсатиб ўтилган. 

---

207