Замонавий педагогик технологиялар

Педагогик технологик харита – педагогик технологиянинг қайта такрорланадиган ўқитиш циклини ташкил этувчи ҳужжатларидан биридир.

Қайта такрорланадиган ўқитиш цикли қуйидаги босқичларни ўз ичига олади (2.5-расм):

1. 
   Ўқув фанининг умумий мақсадини ўрнатиш. Ўқув режадаги ҳар бир фан мутахассиснинг шаклланиши учун маълум бир мақсадга эга. Бу мақсад аниқ ифодаланиши ва фанни ўрганишдан олдин ҳар бир талабага етказилган бўлиши керак.
   
2. 
   Ҳар бир мавзуни ўзлаштириши унинг ўрганишдаги ўқув мақсадини тўғри қўйилишига боғлиқ. Ўқув фанини тўла ўрганишдаги мавзунинг аҳамияти ўқув мақсади тоифасини белгилайди.
   

Расм 2.5. Педагогик технологияда қайта такрорланадиган ўқитиш циклининг тузилмаси.
Дарс бошланишида ўқув мақсади, унинг бошқа мавзулар билан, мутахассиснинг келажакдаги амалий фаолияти билан боғлиқлиги талабаларга етказиладиган бўлиши керак.

3. 
   Ҳар бир мавзу (бўлим ва модул) бўйича таянч ибораларни аниқлаш (2.6. жадвал). Педагогик технологияда ўқитишнинг модули тизимини қўллаш самаралидир, у фаннинг бир ёки бир неча фундаментал таянч ибораларини қамраб олган ахборотнинг тугалланган блокларига таянади.
   

2.6. жадвал
Б.Блум таксономияи асосида «Автомобилларни ишлатиш» фани бўйича ўқув мақсадларнинг тоифасини белгилаш.

№	Мавзулар номи (бўлим ва модуллар)	Таянч иборалар	Ўқув мақсаднинг тоифалари
			Билиш	Тушуниш