Зайлобитдинов дилмурод номонович

1.2. Ўзбекистонда банк хизматларини шакллантиришнинг ҳуқуқий асослари

Мамлакатимизда иқтисодиётни модернизациялаш, янада ривожлантириш, давлатнинг молиявий салоҳиятини ошириш мақсадида иқтисодиётнинг барча секторларида молиявий барқарорликни таъминлашга алоҳида эътибор қаратилмоқда. Ўз навбатида, банклар ҳам иқтисодиётда муҳим ўрин эгаллаган молия институтларидан бири бўлиб, у мамлакатимизнинг ижтимоий-иқтисодий ривожланишида ва тараққий этишида муҳим аҳамиятга эгадир. Банклар, банк тизимини ҳосил қилувчи элементлар сифатида унинг бошқа элементлари, авваламбор, банкнинг ҳаёт фаолиятини таъминловчи элементлар йиғиндисини намоён этувчи банк инфратузилмаси билан ўзаро таъсирлашган ҳолда муваффақиятли ривожлана оладилар. Банк тизими фаолиятини тартибга солишда асосий дастак сифатида Ўзбекистон Республикаси қонунлари, Прездент қарор ва фармонлари, Марказий Банк йўриқномалари хизмат қилади.
Банк фаолиятини тартибга солишда қўлланиладиган норматив-хуқуқий хужжатлар макро ва микро даражага бўлиниб, бунга кўра, макро даражадаги хужжатлар: қонун, фармон ва қарорлар, халқаро нормалар (Базель III) ни ўз ичига олади, микро даражадагиларга: банк, кредит уюшмаларининг ички қарор ва йўриқномалари киради (1.3- расм).
Мамлакатда қулай инвестицион муҳитни жорий этиш, аҳолини банк-молия хизматлари билан таъминлаш, аҳоли маблағларини банк омонатларига кенг жалб этиш ва жозибадорлигини ошириш, шунингдек, молия тизимининг шаклланиши ва ривожланишида давлат томонидан қабул қилинган хуқуқий асослар, қонун ва фармонлар, норматив-ҳуқуқий ҳужжатлар таянч вазифасини бажаради.

Макро даража

Микро даража

Ўзбекистон Республикаси қонунлари

Банкнинг ички буйруқлари

Тижорат ташкилотлари ва кредит уюшмалари йўриқномалари

Бўлимнинг ички низомлари

Ўзбекистон Республикаси Президентининг Фармон ва Қарорлари

Ўзбекистон Республикаси Вазирлар Маҳкамаси қарорлари

Ўзбекистон Республикаси Марказий банки Низоми