Зайлобитдинов дилмурод номонович

2.6-расм. Ўзбекистон Республикаси тижорат банкларида хизматлар ҳолати⁵²
Шунингдек, 2019 йил 1 январь ҳолатига кўра банк карталаридан ечилган пуллар ҳажми 2018 йил мос даврига нисбатан 4 баробарга ошиб, 12,29 трлн. сўмни ташкил этди 2018 йилнинг 1 январь ҳолатига кўра, жами 19 млн. донадан ортиқ пластик карточкалар муомалага чиқарилиб, умумий аҳолининг 60,8 фоизи банк пластик карточкалари билан таъминланган, ушбу кўрсаткич 2000 йилда 0,1 фоизни ташкил этган⁵³ (2.7-расм).
Аҳолининг банкоматлардан фойдаланиш даражаси йилдан-йилга ортиб бормоқда. Республикамизда 2020 йилга келиб жами 7954 та банкомат ва инфокиоскалар ўрнатилган. 2009 йилда 100 минг аҳолига 1,94 та банкомат тўғри келса, 2020 йил бошида 32,74 та банкомат тўғри келмоқда. Бу эса мамлакатда сўнгги йилларда банкоматлар сони ортганини билдиради (2.8-расм).

2.7-расм. 2017-2018 йилларда банк карталаридан жами ечилган маблағлар⁵⁴

2.8-расм. 2000-2018 йилларда аҳолининг банк пластик карталари билан таъминланганлиги, фоизда⁵⁵
Банкоматлар билан аҳолининг қамровини кўрадиган бўлсак, 100 минг катта ёшдаги аҳолига тўғри келувчи банкоматлар бўйича таҳлил қилганимизда 2003 йилга 1 та банкомат тўғри келса, 2020 йил бошига келиб, 100 минг аҳолига 32 тадан ортиқ банкомат тўғри келмоқда.
Банк тизимининг ривожланишида, албатта, банк инфратузилмасининг ривожланганлиги муҳим ўрин эгаллайди.

2.9-расм. 100 минг аҳолига тўғри келувчи банкоматлар сони, дона⁵⁶
Бугунги кунда тижорат банклари томонидан аҳолига мобиль банкинг, интернет банкинг, онлайн конвертация каби масофадан бошқарилувчи хизмат турлари кўрсатиб келинмоқда. Ушбу хизмат турларидан фойдаланувчилар сони ҳам йилдан-йилга ортмоқда Республикамиз банк секторида банк хизматларини масофадан кўрсатувчи тизимлар интернет банкинг ва “Банк-мижоз” дастури, SMS-банкинг ва мобиль банкинг турларидан фойдаланилади. Мамлакатимиз тижорат банклари томонидан 2012 йил 1 январь ҳолатига кўра интернет банкинг ва “Банк-мижоз” тизимидан фойдаланувчилар сони 14 минг 241 тани, SMS-банкинг ва мобиль банкинг тизимидан фойдаланувчилар сони эса, 10 минг 304 тани ташкил этган бўлса, 2020 йил 1 январь ҳолатига кўра, интернет банкинг ва “Банк-мижоз” тизимидан фойдаланувчилар 489 мингтани ташкил этди. (2.10-расм).
SMS-банкинг ва мобил банкинг хизмат туридан фойдаланувчилар сони 2011 йилда 10 минг 304 тадан 185 мартага ошиб, 2020 йил бошига келиб 8,872 мингтани ташкил этди. Натижада эса, республикамиз банк тизимида масофадан банк хизматларидан фойдаланувчилар таркибида 2011 йилда SMS-банкинг ва мобил банкингдан фойдаланувчилар улуши 42%, интернет-банкинг ва “Банк-мижоз” туридан фойдаланувчилар улуши эса 58%ни ташкил этган бўлса, 2020 йил бошига келиб ушбу кўрсаткичлар мос равишда 95% ва 5%ни ташкил этди.