Zahiriddin muhammad bobur nomli andijon davlat universiteti ijtimoiy fanlar kafedrasi

Moddiy madaniyat - moddiy faoliyatning barcha sohalarini va natijalarini o’z ichiga oladi.
Ma’naviy madaniyat - ma’naviy ishlab chiqish, ijtimoiy ong shakllarini yaratish bilan bog’liq bo’lgan faoliyatning barcha sohalarini qamrab oladi.
Milliy ong - millatning uzoq tarixiy etnogenezisi davri, turmush tarzi, iqtisodii, siyosiy, ma’naviy hayoti ta’sirida shakllangan dunyoqarashi, iqtisodiy, siyosiy-ijtimoiy, madaniy-ma’naviy sohalardagi faollik darajasi.
Milliy o’z-o’zini anglash - millatning o’zini haqiqiy subyekt, muayyan moddiy va ma’naviy boyliklarni ifodalovchi ekanligini, o’z manfaatlari va ehtiyojlarining umumiyligini tushunib yetishidir. "O’zlikni anglash - tarixni bilishdan boshlanadi" (I. Karimov).
Milliy g’oya - xalqning o’zligini anglatuvchi, uni uyushtiruvchi, uning milliy g’ururi va oriyatini qo’zg’atuvchi, qadr-qimmatini e’zozlovchi, bunyodkorlikka undovchi kuch.
Milliy istiqlol mafkurasi - xalqning o’zgalarga tobe bo’lmay, erkin va ozod yashash, o’z -o’zini idora etishga qaratilgan, uning istiqbolini belgilaydigan orzu-umidlari, qarashlari, g’oyalari majmui, jamiyat taraqqiyotining muhim omillaridan biri.
Mafkura-muayyan ijtimoiy guruh yo qatlamning, millat yoki davlatning ehtiyojlarini, maqsad va intilishlarini, ijtimoiy-ma’naviy tamoyillarini ifoda etadigan g’oyalar, ularni amalga oshirish usul va vositalari tizimidir.
Milliy istiqlol mafkurasining bosh g’oyasi — ozod va obod Vatan, erkin va farovon hayotni barpo etish. Asosiy g’oyalari: Vatan ravnaqi, yurt tinchligi, xalq farovonligi, komil inson, ijtimoiy hamkorlik, millatlararo totuvlik, diniy bag’rikenglik (tolerantlik).
Meros - ajdodlarimiz tomonidan yaratilgan va bizning “mulkimiz”ga aylangan ijtimoiy-ma’naviy hodisalar, moddiy-madaniy boyliklar, urf-odatlar, marosimlar, axloq me’yorlaridir.
Moddiy qadriyatlar - turli-tuman moddiy boyliklar, zavod, fabrikalar, asbob-uskuna, turar joy, mol-mulk, nozu ne’mat kabilardir.